Я хачу гэты верш Напісаць для цябе, Расказаць між радкоў, Хто у сэрцы жыве, Хто трымае далонь І даруе спакой, Хто у шлях камяністы Пакрочыць з табой. Я хачу напісаць, Ды не верш-пустазелле, Я хачу расказаць Пра нязломную веру, Што трымае каханне, Што даруе надзею, Што насустрач вядзе Праз снягі і завеі. Я хачу напісаць Па-дзіцячы, каротка, Пра пачуцці свае, Пра натхнення вытокі, Каб трывалыя словы Збудавалі радкамі Тую веру, што наша Трымае каханне.
2008
|
|