Думкі пад запіс,
трансфармацыя пачуццяў
у матэрыяльныя рэчы,
у літары, што складаюцца ў словы,
з якіх будуецца сказ,
на якіх трымаецца аповесць.
Аповесць пра жыццё,
якое магло б здарыцца,
ды засталося толькі ў нашых марах,
якія часам не знаходзяць выйсця,
застаўшыся ў думках
няздзейсненай надзеяй,
ціхім успамінам,
патаемным каханнем,
якому памылкова
ў сярэдзіне сказа
паставілі кропку.
2008
|
|
