|
Jedzie Janka ŭ pole...
|
|
Pieśnia na vajacki ład
|
Jedzie Janka ŭ pole,
Jedzie vajavaci,
A dziaŭčyna, jak małina,
Vyjšła pravažaci.
Adčapisia, dzieŭka!
Što ty ka mnie maješ?
Bačyš, jedu na pabiedu,
A ty zaminaješ.
Žurycca dziaŭčyna,
Što Januk pakinuŭ...
Toj pajechaŭ na paciechu,
Baranić Ajčynu.
Doŭha ci karotka
Vajavaŭ naš Janka,
Ažno ŭ viosku jon darožkaj
Precca, jak małanka.
I damoŭ pryjechaŭ
Z tej vajny, zdaloku,
A dziaŭčyna, jak małina,
Paziraje zboku.
Padyjdzi, dziaŭčynka, –
Ci ž mianie nia znaješ?
Bačyš, jedu ja z pabiedy,
A ty ani dbaješ.
Ciešycca dziaŭčyna,
Što Januk nia zhinuŭ,
Toj uraz ža joj i kaža:
Ŭbaraniŭ Ajčynu.
1920
|
|
