РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Уладзімер Дудзіцкі
Вершы
Кантэкстны тлумачальны слоўнік
*  *  *
Мая родная, любая, кволая...
Іншых слоў для цябе ня маю.
І цяпер між вагнём і полымем
доля цела тваё трымае.
 
І ты плачаш сьлязьмі гарачымі,
сьлёзы буйныя, як брусьніцы,
ды крывёю – здалёку бачу я –
абмываеш муры вязьніцы.
 
Ці таму, што пяшчотнай, шчыраю
і гасьціннай такой была ты, 
на журботным узьлёце выраю
прыкунежылі сэрца краты?
 
Расказалі мне хмаркі лёгкія
(падружыліся думкі зь імі),
што упалі на сьцежкі вогкія
майго шляху сьлязьмі тваімі.
 
Знаю: раны тугой ня выгаю,
большым болем спаўюцца грудзі.
Над сьвятою начамі кнігаю
за цябе я маліцца буду.
 
Ня журыся! Як месяц выпяты
абдымае чужыя сьцягі, –
тройчы сьлёз сваіх горкіх выпі ты,
каб ня ўпасьці пласьмя ад смагі.
 
1933-1934
 
 
 
 
Падабаецца     Не падабаецца
2009–2022. Беларусь, Менск.