Uściaž darohi čornyja kryžy,
Uściaž darohi biełyja ramonki.
Punsovyja adcieńni na šašy,
To cichi šept, to vodhuki hamonki.
Raptoŭny kryk...
Punsovaha niama!
Pryroda niknie, hinie farbaŭ bieźłič,
Ale viaduć čyrvonaha kania
Dla čałavieka, što stupaje biezvač.
Staju, hladžu ŭtrapiona na šašy,
Na miescy słupianieju, zrok hublaju...
Čamu, čamu mnie biełyja kryžy
Ŭsio čornyja ramonki ŭ tvar
špurlajuć!
|
|
