Ja pajedu cichim rankam,
Nie padaŭšy vam ruki.
A pračnusia dzieś na hanku
La chałodnaje raki.
Vyjdzie ŭsio niespadziavana –
Na prastory, u łuhach
Dzieda ŭbaču ranym-rana
Z čaracinkaju ŭ rukach...
Jon spuskajecca z pahorka,
Babam žalu nadaje,
Vielmi tonka, vielmi horka
Čaracinačka piaje.
Jak vichuracca abłoki!
Ja za pieśniaju biahu,
Mnie b ciapier puścicca ŭ skoki,
Dy, na žal toj, nie mahu.
Vodziać koni vostrym vucham,
Viecier ciešycca la noh,
Tapalovym lohkim pucham
Z rańnia śviecicca muroh!
I pa tych sumiotach biełych,
To ŭ humory, to ŭ biadzie...
Dzied idzie, jak pa kudziełi,
Z čaracinkaju idzie!
|
|
