Pojdziem słuchać knihavak
Na łuhi i vyhany,
Pa miažy niakošanaj –
Hreblaj naprastki,
Byccam źnienaroku
Miesiac žvavy vyhlanuŭ
I papłyŭ pa hładzi
Jasieldy-raki!
Tumany chałodnyja
Łaščacca, tulajucca,
Koluć nohi sivieram
Miata i čabor!
Ja nie z pałachłivych,
Ale tut hublajusia –
Nočka vielmi zornaja,
Bojazna čahoś!
Zorki paśmichajucca,
Zorkam vielmi viesieła,
Knihaŭki spałochana
Kłičuć nas za hać.
Siadziem pad viarbinaju,
Što hallo raźviesiła,
Źničku pačakajem
Ščaście zahadać!
Źnička ŭžo skaciłasia,
U travie zhubiłasia,
I zara ŭ paŭnieba
Jasnaja ŭstaje!
Ustała i spyniłasia.
Peŭna, razhubiłasia.
Knihaŭka nad łuham
Choraša piaje!
|
|
