Мароз у Вільні. Дзень цудоўны. Мой сябра беларускамоўны п’е брэндзі. Я гарбату п’ю. У рэстарацыі шыкоўнай гаворым ціха і тактоўна пра Вільню, кожны пра сваю. Ён любіць вежы і касьцёлы, шынкі – дзе дух заўжды вясёлы, архіў і унівэрсытэт. А я люблю ў царкве анёлаў, кірмаш, вакзал і грукат колаў, калі ў кішэні ёсьць білет. Мароз і сонца. Дзень сапраўдны. Мы п’ем: я – брэндзі, сябра – каву. Дап’ем і пойдзем спакваля. У Вільні нас чакаюць справы. Яму налева, мне направа, бо Вільня ў кожнага свая.
16.II.2003
|
|