РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
*  *  *
Працаваў я ў полі
Ды першае лета,
Меў я заработку
Курачку за гэта.
 
Мая курка-златапёрка
Ад усходу да вячорка
Па дварэ ходзіць,
Пісклянятак водзіць,
Хахол падымае,
Пісклятак зьбірае
I сакоча: ко-ко-ко!
 
Працаваў я ў полі
Ды другое лета,
Меў я заработку
Гусачка за гэта.
 
Мая курка-златапёрка,
Мой гусак-гагатунчык
Па дварэ гуляе,
Галаву ўздымае
Ды гусак зьбірае,
Крычучы: га-га-га!
А курачка: ко-ко-ко!
 
Працаваў я ў полі
Ды трэцяе лета,
Меў я заработку
Качачку за гэта.
 
Мая курка-златапёрка,
Мой гусак-гагатунчык,
Мая качка-небарачка
Па рацэ плывае,
Качанят купае,
Клічучы: ква-ква-ква!
А гусак:га-га-га!
А курачка: ко-ко-ко!
 
Працаваў я ў полі
Чацьвёртае лета,
Меў я заработку
Індыка за гэта.
 
Мая курка-златапёрка,
Мой гусак-гагатунчык,
Мая качк<а>-небарачка,
Мой індык но<с> спускае,
Індычак склікае,
Крычучы: кулдык-булдык!
А гусак: га-га-га!
А качачка: ква-ква-ква!
А курачка: ко-ко-ко!
 
 
 
 
Падабаецца     Не падабаецца Водгукі
2009–2019. Беларусь, Менск.