RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Maksim Tank
Vieršy
Kantekstny tłumačalny słoŭnik
Daroha na Narač
Prahna aŭtobus hłytaje
Spuski, uzhorki, adchony.
Krasnaje i Maładziečna,
Viłija, most i Vilejka,
Dzie ślapiŭ niekałi vočy
Nad epikurejcam Maronam.
Kłavišami adkłikajucca
Na pierajezdach rejki.
 
Za niebaschiłam ciahnucca
Miadzielščyny prastory,
Zrytyja vospaj akopaŭ,
Vytaptanyja lasami,
Pierałivajecca zołata niŭ
Ź siniavoju azioraŭ,
I abiełiski, jak. vybuchi,
Vysiacca nad kurhanami.
 
Usio mnie tut błizka, znajoma:
Ad chval Naračanki marudnaj,
Ad vierb-čaraŭnic, što varožać,
La młyna nad hreblaju Vuzły,
Da kožnaj u płocie žardziny,
I smahu ŭtalajučy studni,
I da vartavoha spakoju i ščaścia
Ziamłi hetaj – busła.
 
Niechta śpić, zakałychany
Stomaj i hułam mašyny,
Niechta ŭhladajecca ŭdaleč
Zrokam turysta cikavym.
I ja, staŭšy hidam, tłumaču,
Jakija minajem miaściny,
Jakija pra ich u narodzie
Pahudki, lehendy i słava.
 
Dy, raptam, lasnaja daroha
Zaźziała ŭsia ŭ soniečnym blasku,
I ja aśviažajučy podych
Adčuŭ, jak kałiści, na tvary.
I ŭsie z zachapleńniem, zamieršy,
Hladzim na dzivosnuju kazku –
Na Narač! Na Narač! Na Narač!
 
1983
 
 
 
 
Padabajecca     Nie padabajecca
2009–2020. Biełaruś, Miensk.