Partyzany, partyzany, Biełaruskija syny! Za niavolu, za kajdany Režcie hitlercaŭ pahanych, Kab nia ŭskreśłi viek jany. Na ruinach, papiałiščach, Na kryvavych ich śladach Chaj hruhan ich kości łiča, Na biasiedu sovaŭ kłiča Bal spraŭlać na ich kaściach. Niachaj Hitleru-vampiru Klujuć serca, smokčuć kroŭ; Syty byŭ ludskim jon žyram, Pjany byŭ kryvavym viram, – Chaj ža hinie źvier źviaroŭ! Vyrazaŭ jon starcam vočy, Rezaŭ matak i dziaciej, Dzikaj zdańniu, pataročaj Zasłaniaŭ dni čornaj nočaj, – Chaj ža hinie łichadziej! Partyzany, partyzany, Biełaruskija syny! Za niavolu, za kajdany Režcie hitlercaŭ pahanych, Kab nia ŭskreśłi viek jany. Kłiču vas ja na pabiedu, Chaj vam ščaściem śvieciać dni, Vyrazajcie ludajedaŭ, Kab nia stała ich i śledu Na śviatoj našaj ziamłi. Cień zabitych matak, dzietak, Dziedaŭ vašych i baćkoŭ, Akryvaŭleny paletak Kłičuć mścić kryvava hetak, Jak nia mściłi ad viakoŭ. Nie davajcie hadam siły Nad saboju raspaścierć, Ryjcie zahadzia mahiły, Vyryvajcie z žyvych žyły, Kroŭ za kroŭ, a śmierć za śmierć! Partyzany, partyzany, Biełaruskija syny! Za niavolu, za kajdany Režcie hitlercaŭ pahanych, Kab nia ŭskreśłi viek jany. Niachaj vaša pieramoha Nie kidaje vas nidzie, Nie pužaje chaj tryvoha, – Vaša čystaja daroha Da svabody daviadzie. Vašy bitvy ŭvieś śviet bača, Bača Stałin rodny naš, Jak fašystaŭ rod sabačy, Ludarezaŭ zbrod śmiardziačy Niščyć naša varta-straž. Tak ad niečyściaŭ ačyścim Našy nivy i lasy, Fašystoŭskich psoŭ paniščym, I schisnucca, jak kałiści, Dla nas našy kałasy. Partyzany, partyzany, Biełaruskija syny! Za niavolu, za kajdany Režcie hitlercaŭ pahanych, Kab nia ŭskreśłi viek jany.
1941
|
|