РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..      
 
 Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Беларускаму дзяржаўнаму выдавецтву
1924–1929 гг.
Сталі ў рад складальнікі –
        Ад таго той бліжай,
Літару за літарай,
        Як пацеркі, ніжуць.
 
«Корпусы» ды «цыцэры»
        I побач «петыты»
Дыванамі сьцелюцца
        Згодна ў гранкі-пліты.
 
∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙
 
Запела «ратацыя»,
        А не без карысьці –
За аркушам аркушы
        Сыплюцца, як лісьце.
 
Пераплётня аркушы
        Шые, рэжа ўволю,
Сьпяшыць літаграфія
        3 вокладкай у колер.
 
∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙
 
Кніга у кнігарні ўжо
        Сядзіць на паліцы,
Людзі працавітыя
        Сходзяцца дзівіцца.
 
А ля выдавецкае
        Скупаватай касы
Аўтар зь мінай скромнаю
        Чакае авансу.
 
∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙
 
Паплыло паводкаю,
        Загуло, як вецер,
Слова беларускае
        Па вялікім сьвеце.
 
Дарма не мінаюцца
        Працы шчырай леты...
Грамада савецкая
        Ушануе гэта.
 
1930
 
 
 
 
Падабаецца     Не падабаецца
2009–2020. Беларусь, Менск.