Branisłavu Taraškieviču
«O, śmierć vam, panovie, ksionženta, mahnaci, Za našien nievolen, kajdany!..» Niadoŭha, pany, užo vam panavaci Nad krajem, praz vas. katavanym. Hibiełi kałiś vašy ŭ turmach pad caram Paŭstancy, Słavacki, Mickievič – Siahońnia pad Polščaj niavinnaj achviaraj Hibieje ŭ turmie Taraškievič. Nia vam, caradvorcam, čynici raspravu Nad tym, chto zmahaŭsia za dolu, Zasudzić samich vas narod nieŭzabavie, Kab vašaj nia viedać niavołi. Vam strašna było za svajo panavańnie Hramady raboča-sialanskaj, I mścicie, i mścicie usim da skanańnia, Chto łaski nia choča znać panskaj. Chaŭturnyja vašy zvany zyhmuntovy Pakinuć hrać visielniam pieśni, Ŭstaje z-pad jarma čałaviek užo novy, Idzie hroznych buraŭ pradvieśnie. I vašyja katarhi, visielni, turmy Samich ža vas pieścici buduć; Ŭžo hrajuć pryzyŭnyja hułkija surmy Na bitvu suproć vas, prybłudaŭ. Idzie, nabłižajecca pomsta naroda I vas, i sudy vašy niščyć, Iduć z sutareńniaŭ, z chat kurnych, z zavodaŭ, Kab volu zdabyć, uźviałičyć. Tak vam, darmajedam, raspaśvienym syta Pracoŭnych kryvioju i pracaj, Mahiła-hrabnica navościež adkryta, I vam ad jaje nie schavacca. Hibiełi kałiś vašy ŭ turmach pad caram Paŭstancy, Słavacki, Mickievič – Siahońnia pad Polščaj niavinnaj achviaraj Hibieje ŭ turmie Taraškievič.
*
Niasicie ž, panovie, niavolnictva dalej, Vitaje vas cień Muraŭjova... Kałiści ŭ Hałicyi vas piłavałi, Ciapier papiłujuć nanova. Sudzicie sudy muraŭjoŭskim zakonam Nad ludam, zahnanym u kraty, A vydaść prysud svoj sudździa u čyrvonym Na vas na samich, caraniaty. Pachodnia z Uschodu aśviecić darohi, Šlachi za słupami z arłami, Damožycca praŭda svajoj pieramohi Nad biełym arłom i nad vami. Pra vas nie zabudzie, pany, BSSR I pieśni pakinie krainie, Jak mučycie našych bratoŭ vy ciapier, Jak vaša ŭładarstva zahinie.
*
Zašumić, zahudzić Zavirucha, Tolki dumaj, tolki viedaj, Tolki słuchaj. My budujem, my puskajem Fabryki, zavody, Pole traktar zasiavaje, Sadzim aharody. Da nas hości ŭ hości jeduć 3 usioj kułi ziemskaj, I ŭsie bačać, što žyviecca Nam zusim niakiepska. My budujem, z budaŭnictva Robim sabie śviata... A tam tolki, ŭ Polščy tolki Ŭsio kuplajuć kataŭ. A zdajecca ž kat na katu Jaśnie-pany siełi I katujuć ad niadziełi Da novaj niadziełi. Nad ahrablenaj krainaj Źvisła nočaj chmara, A pany ŭsio razvažajuć Ab dymie pažaraŭ. Pojduć, pojduć niezadoŭha Vašyja pałacy, Dy z takim pažaram-dymam, Tolki dzivavacca! Ni žandary, ni sałdaty, Vašyja nia ŭstojać, Jak pracoŭnyja hramady Zruchnucca da boju. Bankiatuj sabie, Varšava, Bankiatuj kryvava, Chaj łijecca akavita 3 kryvioju na słavu! Bielvieder dačesny doŭha Panavać nia budzie – U papiełišča abiernuć Paŭstaŭšyja ludzi. Zašumić, zahudzić Zavirucha, Tolki dumaj, tolki viedaj, Tolki słuchaj.
*
«O, śmierć vam, panovie, ksionženta, mahnaci, Za našien nievolen, kajdany!..» Niadoŭha, pany, užo vam panavaci Nad krajem, praz vas katavanym. Hibiełi kałiś vašy ŭ turmach pad caram Paŭstancy, Słavacki, Mickievič – Siahońnia pad Polščaj niavinnaj achviaraj Hibieje ŭ turmie Taraškievič.
1932
|
|