#Якубу Коласу
Шкадую, дружа Колас,
Што тут цябе няма, –
Ясьней сьвяціла б сонца
Цяплей была б зіма.
Складалі б разам песьні
Аб радаснай вясьне,
Аб шчасьці варажылі б
На іскрыстым віне.
Дзьве тысяч кілямэтраў
Сягоньня дзеліць нас...
Але што значаць вольным
Адлегласьці і час!
#Валодзю Хадыку
Хадыка хадыкае,
Дыбае,
Сто вершаў задумністых
Выбаіў.
Мой мілы, мой добры Валодзя!
Па-мойму, во гэтак здаецца:
«Задумністых», можа, ўжо годзе,
А болей – ад сэрца, ад сэрца...
1934
|
|
