Меле гром над полем хмары,

Дождж густы, сьцюдзёны сыпле

На палескія імшары

I на Прыпяць.

Ды шумяць каля дарогі

Перадрогшыя асіны.

Гразнуць змораныя ногі

Ў каляінах...

– Што, этап яшчэ далёка?.. –

Не прыстаць, не прыпыніцца.

Толькі чуецца навокал

Навальніца.

Мы ідзём у час найгоршы

Сьветлай волі на спатканьне!

Гэта ўжо этап апошні, –

Заўтра ўстанем!

А гром гулкі меле хмары,

Дождж густы, сьцюдзёны сыпле

На палескія імшары

I на Прыпяць.