У кожнага – свой век.

Мой век складаецца:

Зь дзён нараджэньня сонца,

Зь пярсьцёнкаў сосен, вырашчаных мною,

З раздадзеных сябрам акрайцаў хлеба,

З напоўненых вадой, віном збаноў,

З дарог, пракладзеных за небасхілы,

З зацепленых начной парою вогнішч,

З сустрэчных і расстайных пацалункаў,

З каменьня, штоў падмуркі паўрастала,

Зь нялёгкай вернасьці сваёй зямлі і песьні.

Калі ўсё гэта падлічыць, знаць, набярэцца

Гадоў мо' крыху менш, як у Гамэра,

Але, напэўна, больш, як у самых

Даўгавечных ворагаў маіх.