Толькі той, хто знаходзіць адказы,
Хто бярэ ад жыцця ўсё адразу,
Хто даруе за боль і за здраду –
Той з жыццём за руку ідзе разам!
Каму вера – крыніца жывая,
Хто на ростанях крыж не кідае,
Хто прымае жыццё, як дар Божы, –
Той хлусню і свой страх пераможа.
Каму сорамна плюнуць у вочы,
Хто вышэй за паклёп; той, хто хоча
Не здавацца, змагацца з спакусай –
Той ніколі нікому не схлусіць.
Толькі той, хто ўстае па-над горам –
Смела крочыць ў высокія горы,
Аднак часам і той разумее,
Што мінулых імгненняў не верне…
Ды ўстае ён, усход сустракае
І малітву услых паўтарае:
“Хто знаходзіць здарэнням адказы –
Той з жыццём за руку ідзе разам!”