Сьпяваці, і з часам, у добрую пору,
Выклікаць водклік у сонным сяле...
Ўсю Беларусь – неабнятну, як мора,
Ўбачыць у ясным, як сонца, сьвятле.
Янка Купала
Родныя вобразы
уваход      рэгiстрацыя
 
  ГАЛОЎНАЯ     АРХАІЧНАСЬЦЬ     ЖЫВАПІС     ДПМ     ВЕРШЫ     ЛІТАРАТУРА     БІЯГРАФІІ     ФОРУМ     СПАСЫЛКІ  
пошук

  
Тлумачальны Слоўнік

БОЖА МІЛЫ

Ах, Божа мілы, як жа жыць, скажы,

Калі наўкола поўзаюць вужы,

Калі замест людзей стаяць крыжы?!

Ах, Божа мілы, як жа жыць, скажы…


Як песні пець, як услаўляць Цябе,

Калі паўсюдна ў нашай старане

Казаць не скончыў – як ужо ў турме?!

Як песні пець, як услаўляць Цябе…


Ах, Божа мілы, як жа можна жыць,

Калі баішся ты наступным быць

У спісу тых, хто пад зямлёй ляжыць?!

Ах, Божа мілы, як жа можна жыць…


Як верыць ды вучыць сваіх сыноў,

Калі, у якую хату б ні зайшоў –  

Паўсюль партрэт заместа абразоў?!

Як верыць ды вучыць сваіх сыноў…


Ах, Божа мілы, як Твой сцяг трымаць,  

Калі яго ўсе прагнуць адабраць,

Спаліць, зняважыць, у зямлю ўтаптаць?!

Ах, Божа мілы, як Твой сцяг трымаць…


Як йсці да праўды, як знайсці Цябе,

Калі ўсе кажуць: “Ты жывеш ўва мне!” –  

А я дрыжу ад страху ў цемнаце?!

Як йсці да праўды, як знайсці Цябе…


Ах, Божа мілы, нам дапамажы,

Бо надакучыла жыць на мяжы!

Мы ўстанем – толькі Ты прыйдзі, скажы.

Ах, Божа мілы, нам дапамажы!


2006  А. Янкоўскі

вэрсія для друку

Адзнакi: 0/0 Водгукі(0)
Дадаў Купаліна 13.04.2012