|
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
Вулей
|
Штучнае жытло для пчалінай сям'і, зробленае чалавекам. Слова "В." паходзіць ад лексемы "олекъ", упершыню пісьмова зафіксаванай у значэнні "пустая борць" у кароткай рэдакцыі "Рускай праўды" ("Праўдзе Яраслава"). Гісторыя развіцця В. ахоплівае некалькі тысячагоддзяў. Пра ўтрыманне ўсх. славянамі пчол у драўляных В. сведчаць запісы арабскіх падарожнікаў (10 ст.), якія параўноўвалі іх з цэбрамі і збанамі. На Беларусі першым штучным жытлом пчалінай сям'і была борць, а першым пераносным неразборным В. - калода. Выкарыстанне плеценых саламяных вуллёў і В. з лазымалакіты (гл. Лазавік) не мела значнага пашырэння. Вынаходства разборнага рамовага вулля - паваротная вяха ў рацыянальным утрыманні пчол. Рамавыя В. вядомы на Беларусі з 19 ст. і паклалі пачатак пераходу да рамовага пчалярства. У наш час на грамадскіх і аматарскіх пчальніках выкарыстоўваюцца разнастайныя мадэлі В. (захаваліся нават калодныя В.). У апошнія гады найбольш пашыраны ўматкорпусныя В. і лежакі на 16 і 24 рамкі.
|
|
|
Крыніца:
Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575
с.: іл.
|
|
2009–2020. Беларусь, Менск.
|
|
|