|
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
Выбарнае ткацтва
|
Тэхніка народнага ткацтва. Бытавала ў канцы 19 - пач. 20 ст. пераважна на Гомельшчыне і Віцебшчыне. У народзе В. т. звычайна называюць перабіраннем. Для выбарных тканін характэрны рэльефны ступенчата - геаметрычны арнамент, утвораны насцілам узорнага ўтку на фонавае палатно. Па тэхніцы выканання В. т. падобна на двухуточнае бранае ткацтва: узор перабіраецца на дошчачку - бральніцу і кожны атрыманы зеў фіксуецца спецыяльнымі матузкамі (паўнітамі) ззаду нітоў. Аднак у В. т. ўзорны ўток закладваецца не па ўсёй шырыні тканіны, а асобнымі ўчасткамі (выбарна), што дае магчымасць больш свабодна кампанаваць узорныя элементы і рабіць больш разнастайнымі іх колеравую гаму. В. т. упрыгожвалі ручнікі, кашулі, андаркі ( у залежнасці ад прызначэння тканін выкарыстоўвалі самапрадзеныя льняныя, а таксама пакупныя ніткі). Віцебскія ручнікі ткалі з выкарыстаннем чырвоных, сініх, жоўтых, чорных, зялёных нітак, для тканін Гомельшчыны характэрна спалучэнне белага, чырвонага і чорнага колераў.
|
Выбарнае ткацтва.
|
|
|
Натыканьне вузору ў выбраным ткацтве
(правы бок тканіны).
|
|
|
Натыканьне вузору ў выбраным ткацтве
(левы бок тканіны).
|
|
|
|
|
Крыніца:
Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575
с.: іл.
|
|
2009–2020. Беларусь, Менск.
|
|
|