Krytaja prybudova z prystupkami, apornymi słupkami pierad uvachodnymi dzviarami. Da siaredziny 19 st. ŭ viaskovym budaŭnictvie na Biełarusi H. jak elemient chaty nie typovy. Zvyčajna nad uvachodam rabiłi kazyrok, kłałi kala paroha viał. Kamień, stary žornavy, masiŭnuju kałodu. U kancy 19 st. sustrakaŭsia H. u vyhladzie nieviałikaj daščanaj placoŭki z prystupkami i 1- ci 2-schilnaj streškaj na 2 abo 4 słupach (adkryty). Radziej sustrakaŭsia H. z poručniami i łaŭkami. U kancy 19 – pač. 20 st. pašyryłisia hłuchija i kratavanyja napaŭzakrytyja H., u jakich prastoru pamiž padłohaj placoŭki i poručniami zašyvałi abčesanymi žerdkami, doškami ci apołkami. U naš čas H. robiać amal pry kožnaj chacie, prybudoŭvajuć i da vierand. Apornyja słupki i frontony časta azdablajuć raźboj. Budujuć H. na cahlanym (radziej kamiennym) padmurku z prystupkami. Časam da zakrytaha H. pryrablajuć dzviery; tady ŭ jaho bakavych scienkach abaviazkova prarazajuć akiency.
Ганак. Гарадскі пасёлак Копысь.
Хата з ганкам. Вёска Наўліпа Полацкага раёна.
Krynica:
Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575
с.: іл.
