RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Etnahrafija
Kantekstny tłumačalny słoŭnik
Dziavočaja hara1
 
(Дзевяці-гара)
Dzieviacihara, etnahrafičny abjekt, vierahodna, pomnik jazyčnickaha kultu na ter. Vałožynskaha r-na, za 0, 5 km na Z ad v. Dubrova Maładziečanskaha r-na. Zviestki pra Dz. h. ŭpieršyniu apubłikavany ŭ 1881 u “Słoŭniku hieahrafičnym Karaleŭstva Polskaha i inšych krajoŭ słavianskim”, dzie pryvodzicca miascovaje padannie, pavodle jakoha na hary zakapana žyvaja dziaŭčyna i razam z joj pachavany dva chłopcy, jakija zahinułi ŭ čas spabornictva za prava stajać jaje mužam. Tam ža lažaŭ viałizny kamień, nia jakim nibyta siadzieła dziaŭčyna ŭ čas spabornictva. U 1987 E. M. Zajkoŭski na Dz. h. pravioŭ archieałahičnaje absledavannie i raskopki. Dz. h. – adzin z samych vysokich punktaŭ u hetaj miascovasci – znachodzicca pabłizu vodapadziełu Zach. Biareziny i Svisłačy, amal usia zarasła lesam. U najbolš vysokaj paŭn.-ŭsch. Častcy razmieščana kala 20 kurhanoŭ (vyšynia 0,5 – 1,5 m, dyjačietr 6 – 12 m) i viałikaja jama (mahčyma, astałasia ad kamienia, zhadanaha ŭ padanni). Dva kurhany raskapany. Adzin z ich składzieny z kamianioŭ, pierasypanych ziamloj. U im na ŭzroŭni haryzontu vyjaŭleny škilet žančyny, aryjentavany na Z; znojdzieny taksama frahmienty kieramiki 11 st. i siarebranaje skronievaje kolca, kancy jakoha zachodziać adzin za adzin. Druhi kurhan nasypany z piasku i abkładzieny kamianiami. U centry kurhana (nižej uzroŭniu haryzontu) razmiaščaŭsia škilet žančyny (zachavaŭsia nie całkam), taksama aryjentavany na Z; vyjaŭleny piarscionak i šklanaja pazałočanaja pacierka (11 st.). U čas šurfoŭki ŭ inš. miescach hary kulturny płast nie vyjaŭleny. Nazva pomnika sviedčyć pra jaho suviazi ŭ staražytnasci z kultam jazyčnickaj bahini kachannia. Druhaja nazva pomnika – Dzieviacihara – vidać, zviazana z kultam bahini – dzievy, “paniosšaj u łonie svaim” i z dzieviacciu miesiacami ciažarnasci. Da niadaŭniaha času na hary sviatkavałasia kupałle.
Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл.
2009–2020. Biełaruś, Miensk.