RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Kažuch Vierchniaje zimovaje mužčynskaje i žanočaje adziennie z aŭčyn. Šyłi z niadublenych, pazniej z vyrablenych aŭčyn žoŭta-karyčnieva-vochrystaha, vochrysta-cahlanaha, radziej biełaha koleraŭ. Na Biełarusi pavodle kroju K. kanca 19 – pač. 20 st. padzialałisia na 3 hrupy: pramoha kroju – spinka i kryssie pramyja, viałiki adkładny kaŭnier, apucha ŭdoŭž vierchniaha krysa i pa nizie; prytaleny (pašyrany ŭ Padniaproŭi, Centr. Biełarusi, Paazieri) – spinka adraznaja (nižniaja častka ŭ zborki), vierchniaje kryso, niz, rukavy abšyty paskam aŭčyny voŭnaj navierch; z “vusam” (charakterny dla Palessia) – spinka pramaja (časciej sucelnaja), u tałii zvužanaja, pa bakach ad tałii ŭšyty šyrokija kłiny (“vusy”), nieviałiki stajača – adkładny kaŭnier – apucha. Sviatočnyja K. bahata azdablałi našyŭkami paskaŭ aŭčyn biełaj abo čornaj voŭnaj navierch, paskami i łapikami čyrvonaha abo błakitnaha sukna, tonkaj pafarbavanaj skury, plecienymi tasiemkami-pajaskami, adnakolernym ci piarestym (plecienym koskaj) šnurom, pamponami – kutasami, vyplecienymi sa skury huzikami, vyšyŭkaj hładdziu, “kozłikam”. Raznakolerny rasłinny arnamient vyšyvałi nitkami mułine, samapradzienaj voŭny. Siarod tradycyjnych K. mastackim afarmlenniem, daskanałasciu kroju i šytva vyłučajucca motalskija kažuchi, kałinkavickija, mahiloŭskija K. Karotki, da kaleniaŭ, kažušok nazyvajuć paŭkažuškom. Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.