RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Nity Prystasavannie ŭ krosnach dla prapuskannia asnovy ŭ adpaviednasci z uzoram i ŭtvarennia dla ŭtočnaj nitki; nicianyja pietłi (kabyłki), razmieščanyja na 2 haryzantalnych prutočkach. Byłi ruchomymi i zvierchu macavałisia na kaciołkach, a znizu złučałisia z panažami. Daŭžynia N. adpaviadała šyryni asnovy, vyšynia raŭniałasia 24 – 25 sm. Viadomy dzvie raznavidnasci N.: biez vočak i z vočkami. Najbolš staražytny, pašyrany va ŭsich usch. słavian – nit biez vočak, jaki vyrablałi na spiecyjalnaj došcy (šyrynioj 12 – 13 sm i daŭžynioj 65 – 70 sm). Zvierchu pa daŭžyni rabra doški prspuskałi toŭstuju nitku – žyvicu, na jakoj macavałisia ŭ vyhladzie pieciel sukanyja nitki. Pasla taho, jak doška zapaŭniałasia pietlami, ich ssoŭvałi i zvierchu adziavałi prutok, a na došku nakidałi novyja, zachopłivajučy pietłi pieršaha rada. U vyniku atrymłivaŭsia nit z dvuch radoŭ pieciel, złučanych u centry (u čas nakidannia asnovy ŭ N. na palcy levaj ruki nakručvałi nitki z vierchniaha i nižniaha radoŭ, utvarajučy vočki, kudy prapuskałasia asnova). N. z vočkami, bolš zručnyjapry nakidanni asnovy, rabiłi na spiecyjalnym stanočku (draŭlany brusok daŭžynioj 25 – 27 sm z 4 cvičkami). Spačatku nitku macavałi na pieršym krajnim cvičku, zatym na siarednich i druhim krajnim cvičku (N. takim sposabam rabiłi na Pn i PnZ Biełarusi). U zach. Rehijonach N. niciłi na spiecyjalnym stanočku – varotcach – 3 złučanyja prutočki, haryzantalna ŭmacavanyja na padstaŭcy. Dla tkannia na krosnach nieabchodna było nie mienš dvuch N., tamu ŭ zaležnasci ad kolkasci N. atrymłivałi dvuch-, troch-, čatyroch- i šmatnitovyja tkaniny. Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.