|
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
Паплавок
(Берасцянка2,
Жмака,
Корак,
Плавец,
Плавок,
Поплаў)
|
Частка рыбалоўнай прылады, што прымацоўваецца да верхняй вяроўкі сеткавых снасцей або лёскі вуд для ўтрымання іх на плаву, ці на патрэбнай глыбіні. У Паазер’і называлі таксама берасцянка, трубка, на Палессі – поплаў, плавец, плавок, корак, жмака. Для сетак і невадаў П. выраблялі пераважна з бяросты: яе скручвалі ў трубку і замацоўвалі драўлянымі цвікамі. Праз сярэдзіну трубкі працягвалі вяроўку. П. рабілі часам з лёгкіх парод дрэва (ліпы, асіны, вярбы), кары хвоі, чароту. Вудачныя П. часцей выраблялі з птушынага пер’я (пераважна гусінага), радзей – з хваёвай кары, коркаў. Для абазначэння месца, дзе ставілі перамёты і стаўныя сеткі, у якасці П. выкарыстоўвалі галінкі, трысцё. У наш час для сетак і невадоў робяць пенапластавыя П., для вудачных П. побач з сінтэтычнымі матэрыяламі ўжываюць і традыцыйныя – гусінае пер’е, кару.
|
|
|
Крыніца:
Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575
с.: іл.
|
|
2009–2020. Беларусь, Менск.
|
|
|