RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Plemia Typ etničnaj supolnasci i sacyjalnaj arhanizacyi ludziej, ułascivy pieršabytnaabščynnamu ładu. Uznikła ŭ epochu razvitoha rodavaha hramadstva. Spačatku składałasia z niekalkich ekzahamnych rodaŭ ci hrup, zviazanych ahulnasciu pachodžannia, asnoŭnych elemientaŭ haspadarki, zvyčajaŭ i abradaŭ, mifałohii i kultaŭ, adzinstvam dyjalektu, samasviadomasci i samanazvy. Na poznim etapie mieła svojeasabłivuju sistemu orhanaŭ samakiravannia (narady rodavych starejšyn, ahulny schod plemia, vajennyja i hramadskija pravadyry). U čas zaniapadu pieršabytnaabšynnaha hramadstva i ŭ echopu vajennaj demakratyi ŭtvarałisia bujnyja sacyjalna-pałit. supolnasci – sajuzy plamion, abjadnanyja adzinaj uładaj, ahulnasciu haspadarča-kulturnaha kompleksu, terytoryi i inš. Jany ŭzmacniłi moŭnyja i kulturnyja suviazi pamiž asobnymi P., sadziejničałi zmiešvanniu ich i transfarmacyi ŭ novyja, adpaviednyja kłasavamu hramadstvu, etnasacyjalnyja supolnasci – narodnasci. Reštki plemiannych adnosin doŭhi čas zachoŭvałisia ŭ nar. pobycie, kultury, mifałohii, kultach, zvyčajach i abradach.   Na ter. Biełarusi ŭ nieałicie žyłi P. vierchniedniaproŭskaj kultury, dziasninskaj kultury, dniepra-danieckaj kultury, lejkapadobnych kubkaŭ kultury, narvienskaj kultury, niomanskaj kultury, typovaj hrabieńčata-jamačnaj kieramiki kultury, šarapadobnych amfar kultury; u bronzavym vieku – łužyckaj kultury, paŭnočnabiełaruskaj kultury, prybałtyjskaj kultury, prybałtyjskaj kultury, sosnickaj kultury, siaredniedniaproŭskaj kultury, tšcinieckaj kultury, , šnuravaj kieramiki kultury; u žaleznym vieku – bancaraŭskaj kultury, dniepra-dzvinskaj kultury, zarubienickaj kultury, miłahradskaj kultury, pamorskaj kultury, štrychavanaj kieramiki kultury; u rannim siaredniavieččy – abjadnanni P. usch. słavian – dryhavičy, kryvičy, radzimičy, a taksama zachodniabałckija plamiony – dajnova, palaksianie, jatviahi, jakija ŭ 10 – 13 st. uvachodziłi ŭ jatviažski plemianny sajuz. U darevalucyjnaj etnahrafii, inš. hramadskich navukach, ł-ry i pubłicystycy termin “P.” ŭžyvaŭsia ŭ sensie narod. Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.