RODNYJA VOBRAZY Vobrazy miłyja rodnaha kraju,                Smutak i radaść maja!..         Jakub Kołas     Hałoŭnaja      Słoŭniki           Spasyłki      Ab sajcie       Кірыліца      Łacinka     Etnahrafija Kantekstny tłumačalny słoŭnik Bandarnyja vyraby Draŭlanyja jomistasci z klopak dla zbierahannia i dastaŭki praduktaŭ, vadkich, paŭvadkich i sypučych račyvaŭ. Va ŭžytku biełarusaŭ viadomy z hłybokaj staražytnasci. Šmatlikija ix reštki roznych pamieraŭ (ad nievialikich konavak da vadavoznych bočak na niekalki sot litraŭ) vyjaŭleny pry archieałahičnych raskopkach u płastach 11-14 st. Forma klopak (padoŭžnyja trapiecapadobnyja ci akruhłyja vypukłyja) abumoviła formu B. v.- kadziepadobnuju (kaničnuju) ci bačarnuju (pukatuju). B. V. adroznivalisia pamierami, praporcyjami, najaŭnasciu sastaŭnych elemientaŭ, materyjałami (parodami dreva). Pavodle pryznačennia vłučajuć nastupnyja vidy pasudzin: dla vady i vadkich rečyvaŭ - transpartnaja bočka, kaduška (vadzianka), viadro, bikłaha, baryłka, konaŭka; dla zachoŭvannia s.-h. praduktaŭ - bočka (sudzina, usypišča), kadź, bačurka, kubielec; dla bytavych patreb - kubieł, žłukta, baleja, cebar, ražka, dziaža, dajonka, bojka, bielčyk; miery jomistasci - aśmina, šanastka, harniec, karec. Niekatoryja vyraby (bočki, kadzi, cebry, viodry) vyznačalisia šyrokim dyjapazonam užyvannia ŭ chatniaj haspadarcy. Adna i taja ž pasudzina niaredka mieła roznuju vonkavuju formu (baleja kruhłaja, avalnaja, viodry zvyčajnaj formy i kaduškapadobnyja, bačurki adna- i dvuchdon¬nyja i inš.). Hetyja adroznienni vyjaŭlali hieahr. zakanamiernasć raspaŭsiudžannia, razam z tym sustrakalisia jak paralelnyja varyjanty ŭ adnoj i toj ža miascovasci. Bolšasć B. v. vyznačałasia funkcyjanalnaj metazhodnasciu, vonkavaj prastatoj, praktyčnasciu. Niekatoryja vyraby nievialikich pamieraŭ (bikłahi, baryłki, karcy, bielčyki) azdablalisia raźboj i vypalvan¬niem. U naš čas mnohija B. v. sastupili miesca raznastajnym mietaličnym, farfora-fajansavym i płastmasavym jomistasciam. Бандарныя вырабы Krynica: Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575 с.: іл. 2009–2020. Biełaruś, Miensk.