|
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
Bierascianyja vyraby
|
Rečy utylitarnaha i dekaratyŭna-prykładnoha pryznačennia, zroblenyja z biarosty. Biarostu (biarozavuju karu) abdzirali viasnoj, kali jana lohka addzialałasia ad stvała, ckputkami ci stužkami (pa spirali vakoł kamla) i vysušvali. 3daŭna jaje vykarystoŭvali dla samych roznych patreb: na joj pisali (bierascianyja hramaty), dla zasciarohi scien ad vilhaci jaje prakładvali pamiž padmurkam i zrubam, z jaje vyrablali roznyja rečy chatniaha ŭžytku. Sšyvajučy kavałki biarosty hnutkimi kareńčykami ci ckypanymi stužkami, rabili posud dla sypkich rečyvaŭ (karaby, kašali, siavieńki), bierascianki dla chavannia miodu, krup, prypraŭ. 3 bierascianych stužak plali viareńki dla pieranosu praduktaŭ (Palessie), zaplečnyja kašali dla aboru hryboŭ i jahad (Centr. Biełaruś), imi dla tryvałasci aplatali hliniany posud (hł. Vierascień). Drobnyja rečy (tabakierki, salnički) zvyčajna rabili z niekalkich słajoŭ biarosty (kožny nastupny słoj z zubčatymi krajami byŭ vuziejšym za papiarednija, i scienki vyrabu nabyvali pukatuju, sucelna azdoblenuju pavierchniu). Na zroblenyja z doščačak ci kardonu škatułki, kuferki, iholniki, partcihary naklejvali słoj biarosty a prarezanym skraznym raslinnym uzoram, pad jaki časam padkładvali folhu (takimi vyrabami słavilisia majstry Mahilova). 3 biarosty rabili taksama pastuchoŭskija truby. U naš čas B. v. vyjšli z užytku.
|
Берасьцяны выраб: табакерка
|
|
|
|
|
Krynica:
Этнаграфія Беларусі. Мінск. 1989. Рэдактар: Шамякін I. П. Выдавецтва: БелСЭ. 575
с.: іл.
|
|
2009–2020. Biełaruś, Miensk.
|
|
|