RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Ryhor Baradulin
Daviedka
Kantekstny tłumačalny słoŭnik
Rum
 
Novaja kniha łiryki
 
 
1

 
 
*** Z-pad nachmuranych brovaŭ...
 
*** Reki ŭschadziłisia...
 
*** Ad sivych hadoŭ...
 
1103-ci dzień vajny
 
Papiarovyja źmiei
 
Na sustrečy partyzan
 
Pałonny ściah
 
*** Što nam...
 
*** Pachnie chlebam...
 
*** Viciebščyna!..
 
Pomnik u Viciebsku
 
*** A na Viciebščynie...
 
Mohilnik viosak
 
*** Navuka rukaje...
 
Pradvieśnie ŭ Chatyni
 
*** Vidać, i ŭ ciabie...
 
Pieramohi iduć praź Biełaruś
 
Dvaccać piać
 
Miensku
 
*** Apłakałi vyraj sovy...
 
Sakolnik
 
Viazynka
 
Spałochanyja sny
 
Vandroŭnik
 
*** A vysłoŭje jość...
 
Staryja špały
 
Ranišni vierš
 
Eskiz
 
*** Adkazam svaim nahaniajuć tuhu...
 
Viastunka majho vakna
 
*** Sezona važnaja persona...
 
*** Zvodnica-noč...
 
*** Šumić za vaknom...
 
Son
 
Ščavulnicy
 
Akno
 
Kancert
 
Łarok
 
Vartaŭniki
 
*** Sumna dremle dubaltoŭka...
 
Stary sad
 
*** Vyrastuć...
 
Kazka
 
Sałodkaja piła
 
«Błakitny Dunaj»
 
*** Ab čovien chvala...
 
Sancalub
 
*** U dva viasły viasłujuć...
 
Leta
 
*** Prastuju da Dniapra...
 
Raka z taboj
 
*** Duboŭ plačystych...
 
*** Mieteazvadam rad...
 
Pieśnia
 
*** A byŭ ja ŭ viasny pałonny...
 
*** Ja zahnaŭ ciahniki...
 
*** Ja tvoj niavolnik...
 
*** Nie pa baradzie...
 
*** Śviet zachłynaŭsia ad śviatła...
 
*** U vierbałiści plos...
 
Štrychi da partreta hoda
 
*** Vyrvałi lon...
 
*** Kałi zdavołicca łistaboj...
 
Miakkija ruki. Z narodnaha
 
Trypcich Vušaččyny
 
*** Žurycca nie z ruki...
 
2

 
 
Biaroza ź łistam havaryła...
 
Matčyny pieśni
 
3

 
 
Paema pryznańnia
 
Arłinaja balada
 
Brusiel – Londan. U tumanie sonca
 
*** Unizie ...
 
Adeskija katakomby
 
Vułicy Ŭładzivastoka
 
*** Chvalam...
 
Mis Azija
 
*** Z darohi źbiŭsia...
 
Śpiakota
 
*** Kłapoty pa baku!..
 
Na Kuršskaj kasie
1
*  *  *
Maja Radzima – heta tam,  
dzie prapłyvajuć samyja  
pryhožyja abłoki.
Žul Renar
Z-pad nachmuranych brovaŭ
daśpiełaha žyta
pałychaje błakit azior.
Kraj pryvietłivy,
sercami prodkaŭ abžyty,
znoŭ spaźniŭsia –
                              prymaju dakor.
Vasilkovy spakoj.
Smutak vierasu sini.
Pałynovaja pamiać tuhi.
Bieź mianie na łuhach
murahi pakasiłi.
Bieź mianie stahavałi stahi.
Bieź mianie da Piatra
vienikaŭ naviazałi –
uziałi zialony abrok
ź biaroz.
Adhuło,
adpłyło majo leta vazami –
zvonkarechaje, ja nie źbiaroh.
Biełabrysaha boru
raspahodžany vyrys.
Nizka dzikija husi laciać.
Tolki dzivu dajeśsia, –
kałi heta vyras
z kamizelki svajoj bacian.
Zasynaje ajer,
šlach kurycca daloki.
Słonku chočacca kłiknuć:
                                            – Vuć-vuć!..
Navat strašna dychnuć –
maładyja abłoki
nad Vušaččynaj cicha płyvuć.
 
 
 
 
*  *  *
Reki ŭschadziłisia...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Ad sivych hadoŭ,
                                  ad dziadoŭ
Dla mianie
                      aščadžona spadčyna:
Pieśni žniŭnaj
                                  smutak udoŭ,
Moch ziaziulčyn,
                                    hniazdo kurapatčyna;
Sini vieras
                        i sini dym,
Zorki pieršaj
                              drabniutkaja mačyna,
Jary chmiel
                        nad jaram krutym,
Hałubinaja mova matčyna.
Nie zhublu jaje
                              ŭ tłumie daroh,
Dzie matoram
                            viasioła hrukočacca,
Bojazna mnie
                          stupać na muroh –
Prytułicca ščakoju chočacca.
Chaj mianie
                      błasłaviać u niabyt
Jak svajho šałaputnaha chreśnika
I jaho Jasnavokaść
                                          błakit,
I jaje Łaskavaść
                                    biarezinka.
 
 
 
 
1103-ci dzień vajny
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Papiarovyja źmiei
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Na sustrečy partyzan
Viecier supakoiŭsia na mih,
Jak čyrvony śledapyt daśviedčany...
– Jak ža zastałisia Vy ŭ žyvych? –
Zapytaŭ adčajnaha raźviedčyka.
 
Uśmichnuŭsia horka u rukaŭ
(Peŭna, ranu zakranuŭ balučuju...):
– Hetak časta
Śmierć ja sustrakaŭ,
Što adno adnomu nadakučyłi...
 
 
 
 
Pałonny ściah
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Što nam...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Pachnie chlebam...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Viciebščyna!
Ty losam
Hja vypieščana –
Ty vojnami
Vypiesčana.
Vorah
Kryžačyŭ
Tvoj niebaschił,
Spakoj tvoj
Niščyŭ.
...piasok mahił...
...piasok papiałiščaŭ...
 
 
 
 
Pomnik u Viciebsku
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
A na Viciebščynie...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Mohilnik viosak
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Navuka rukaje...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Pradvieśnie ŭ Chatyni
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Vidać, i ŭ ciabie...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Pieramohi iduć praź Biełaruś
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Dvaccać piać
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Miensku
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Apłakałi vyraj sovy
Pad Połackam,
Znaješ, Paduja,
Uźlesku ŭ prypoł vierasovy
Łist pieražoŭkły padaje.
 
Razdolle turovamu ryku –
Nad zmoŭkłymi netrami płavaje.
Čaŭny błasłaŭlaje ŭ Ryhu
Safija załatahłavaja.
 
Davierycca śniehu połaz,
Zahurbiacca viesiaŭ vieśnicy, –
U śvitcy maroznaj Połack
Vačyma sinimi vieśnicca.
 
Pa hraju pieršyja
Tužać
Pratałiny biełabrysyja,
Viedajuć hniozdy ptuški,
I ryby čujuć viry svaje.
 
Da skonu serca skaryła
Čarotu havorka kartavaja.
Z vyraju
Doktar Skaryna,
Jak drač, dadomu viartajecca...
 
 
 
 
Sakolnik
Uspychnuła rodnaje słova padlotkam
Ź ciopłych dałoniaŭ matčynaj pieśni.
Padlotka prycichłaha i niaśmiełaha
Pryłaščyŭ za pazuchaj chłopčyk Maksimka.
Vučyŭ jaho vyšyni nie bajacca,
Kryły svaje daviarać
Chmaram, viatram sustrečnym...
Padlotak śmialeŭ i lotaŭ
U vyraj, u kraj siniavoki,
Što Biełaruśsiu zvaŭsia.
Viartaŭsia ŭ horad nad Vołhaj –
I pachłi ŭzdužałyja kryły
Samlełym ajeram Naddźvińnia,
Tryvožnaj zaroj Nadniamońnia
I kosami śviciazianak...
Jak ździŭleny byŭ błakit,
Kałi z plača junaka Maksima
Da sonca volny ptach uskryłiŭ –
Ź im ciažka było sahnacca
I ŭładaram zachmarja.
 
Pakłon tabie, hordy Sakolnik
Biełaruskaha kreŭnaha słova,
Biełaruskaha viečnaha słova,
Što ty zaručyŭ jaho ź niebam.
Dziakuj,
                Maksim Bahdanovič!
 
 
 
 
Viazynka
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Spałochanyja sny
Tryvoha nyje ranaj:
A dzie jany,
Syny?
Płyvuć, jak vyraj rańni,
Spałochanyja sny...
 
Što ŭziać syny paśpiełi?
Ni chleba,
Ni łajna.
Tuman,
Ściałi paściełi!
U hałavach –
Vajna.
 
Ciapier lacieć da ich,
Dy
Zachmarany šlachi.
Na chustcy ŭ Bianihny
Žałobiacca šlaki.
 
Łičyć hady ziaziulam
U maładych barach.
Prytułak dla matułi –
Na ŭskrainie barak...
 
Z adčaju
Nieba sšyta –
Piače z-pad dałani,
Ad samalotaŭ,
Žyta,
Matulu zasłani!
Staraja čuje rostań.
Hadoŭ saskublen stoh.
Dziesiatak synaŭ
Šosty
Na schodzie,
Jak viatoch...
 
Jak vyprasiła ŭ śmierci
U djabłavaj radni –
Dva dni?..
Kab ślozy ŭcierci
Pa Januku...
Dva dni...
 
...Harotnyja lasiny
Žvir śviežy
Brałi ŭ cień,
Spaźniŭsia łipień.
...Syna
Chavałi ŭ hety ž dzień...
 
 
 
 
Vandroŭnik
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
A vysłoŭje jość,
Šepča dbajnaść:
«Maładość –
Bujność,
Staraść –
Kajnaść...»
 
Maładość,
Što hość,
Ptach tryvožny.
Jak była bujność –
Kajacca...
                    možna!
 
 
 
 
Staryja špały
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Ranišni vierš
Skrohat maroznaj ranicy.
Žudasna pravadam.
Śniehirami –
Školnikaŭ rancy,
Visielnikami –
Sumački dam.
Špilek
Nervovyja kropki.
Zamšy
Chalony spakoj.
Cišu praciałi kroki.
Syplecca iniej łuskoj.
Pozirki błisnuć sinija,
Byccam z patajnika.
Mašyny za noč zainiełi,
Jak brovy adstaŭnika.
Šyfiernym dacham –
Vatnik.
Truby prarvanaj
Ćviardzieje flus.
Na rehułiroŭščyka
Hladzić pryvatnik,
Jak na ŭdava trus.
Rehułiroŭščyk
Nosa nia viešaje.
Fihura,
Što j havaryć!
Ultrasučasnaju hałavieškaju
Žazło nakiroŭča haryć.
Apranuty nie pa sezonu
(Tamu voś siadzi i dubiej!),
Choča pahrecca
Kala neonu
Apudžany vierabiej.
Niama z marozam
U hrafika błatu.
Dumka adna –
Nie spaźnicca b adno ž...
Dolku łimonnuju cyfierbłata
Reža strełki sekundnaj nož...
 
 
 
 
Eskiz
Pieraabuvajucca aficyjantki.
Źnimajuć z achvotaju chvartuchi.
Ciahnieca ŭ park poźni tralejbus,
Na šybach jaho, jak z vady,
Vypłyvaje i zybajecca
                                                słova: «Kafe».
I zachmialeły viečar
Śpiašajecca ŭpicca
U miakać ciopłuju čornaj kavy
Biełymi zubami rafinadu.
 
 
 
 
*  *  *
Adkazam svaim nahaniajuć tuhu
Hady
Mituśni mahazinnaj.
Pytajuć:
– Za kim Vy zajmałi čarhu?
Hady ŭ adkaz ź viesiałościu niavinnaj:
– Za hetaj dziaŭčynkaj...
– Za hetaj dziaŭčynaj...
– Za hetaj žančynaj
Zajmajem čarhu.
 
 
 
 
Viastunka majho vakna
Padahnana ŭsio na joj,
Prytalena.
U jaje na lepšym z kažuškoŭ –
Čyścinia zaviej,
Tuha pratałiny,
Saramłivaść pieršych kataškoŭ,
Zimavoha niebaschiłu źnička,
Tolki pra viasnu źvinić sinička.
 
 
 
 
*  *  *
Sezona važnaja persona –
Asieńni doždž,
Jak pivavar.
Pad abažuram parasona
Ćmianiejecca
Dziavočy tvar.
 
Zaleje źzielanieła zamša,
I chvartušok
Ledź-ledź namok.
Jak kurhanki viasnovych zamčyšč,
Ciaplejecca
Hrudziej namiok.
 
Zaleźci ŭ daždžavy tralejbus,
Niby pa konkursie prajści.
Spradviečnaha čakańnia rebus –
Čaŭnok u daždžavym tryści...
 
 
 
 
*  *  *
Zvodnica-noč...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Šumić za vaknom...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Son
Zaržaviełaj resoraj
Kačka krača.
Trochtonkaj
Z adnoju faraju poŭni
Buksuje noč...
Z hałavy hałaŭnia,
Jak z hałavieški haračaj,
Syplucca iskry voč.
 
Trochtonka vyrvałasia
Ź cišyni ščylnaj –
Prastuje pa balšaku,
Tolki abapał
Kostačkami łičylnikaŭ
Laskajuć chaty
U naściarožanym chaładku...
 
 
 
 
Ščavulnicy
Dub nie prydbaŭ
Ani łiścinački.
Staić,
Niby Kaščej kaščavy.
A ŭžo strakatyja chuścinački
Źbirajuć maładoje ščaŭje.
 
Smuha drymotnaja,
Zlaniełaja
Pahodnieje ad ich uśmiešak.
I palčyki,
Uzielaniełyja,
Chałodzić kozytna
Uźmiežak.
 
Na popłavie
Ahoń uzdryhvaje:
Piačy viačeru
Budzie prysak,
U dymie koni –
Dymnahryvyja.
Dym ścielecca
Pa ŭzłobkach łysych.
 
Arechaŭna,
Zamošša,
Płihaŭki –
Prycichłi vioski ŭ vieśnim hudzie.
Dziaŭčatki ŭ tumanie,
Jak knihaŭki,
Stamlony adviačorak budziać.
 
 
 
 
Akno
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Kancert
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Łarok
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Vartaŭniki
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Sumna dremle dubaltoŭka...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Stary sad
Chałodnych suzorjaŭ
Pozirk ślapy –
U viesnavy karahod
Nie źbiahucca.
 
U sonnym sadzie
Traščać čarapy
Jabłykaŭ-samazahubcaŭ.
 
Ad zimavieju
Chmuryny łachman
Nie abaronić
Vyraj kartavy.
 
Prysłuchajsia,
Jak biełahuby tuman
Fyrkaje na atavu...
 
 
 
 
*  *  *
Vyrastuć –
I raźlatucca pa śviecie.
Spraŭ majuć bahata,
Zaniaty dzieci!
– A maci pracuje?
Spahadvajuć dzieci:
– Staraja ŭžo... tupaje kala chaty.
...Haściej prymaje,
Sa stała prymaje.
Da stała ad piečy –
Daroha pramaja!
Biaz kłopatu sumna.
I tak, dla ŭciechi,
Niańčyć unukaŭ,
Połić lechi.
Bulbu kapaje,
Sušyć hryby.
Tupaje,
Viesialej aby!..
Spać mnoha nia lubić –
Daŭhija nočy.
Dy tolki ździviacca
Dzieci adnojčy,
Što niečakana navałicca praca,
Što raptam treba
Z rasoj padymacca –
Daić karovu,
U piečy pałić,
Vysušyć drovy,
Hurki pałić...
Ručnik kareły,
Panura ŭ chacie –
Zachvareła
Staraja maci...
 
 
 
 
Kazka
Chutka krochnie
Razhałaje dreva,
Padsiakaje jaho
Jaha.
Ratavacca Piłipku treba,
Ščeryć zuby
Złaja karha.
 
Dy nia choča
Dobraja kazka
Addavać chłapčuka ŭ biadu.
Žmuryć voka
I, kałi łaska, –
Pasyłaje husiej čaradu.
 
Apynusia
He ŭ Biełarusi,
A ŭ nialubaj, čužoj staranie, –
Z dobraj kazki
Dobryja husi,
Skińcie mnie vy
Pa pierinie!..
 
 
 
 
Sałodkaja piła
Zary – niamy ahoń.
Asiny choład – sini.
Biełakapyty koń –
Ciahnuŭ sumioty sivier.
 
Sumiot kułiŭsia ŭ roŭ.
Rypiełi dreŭ arełi.
I žaram śniehiroŭ
Zaviei ruki hrełi.
 
U komin viecier lez,
Lacieŭ,
Jak čort murzaty.
Pajechaŭ baćka ŭ les,
Nie dačakacca taty.
 
Davaŭ dźviaram prastor,
Zachodziŭ niečakana
Ziniełabrovy bor,
Piłoj padpierazany.
 
Śled styłaj pałaźni
U ciemradzi źnikaje.
– A ty piłu łiźni –
Sałodkaja jakaja!..
 
Jazyk piła piakła,
I žmuryŭ baćka vočy.
Sałodkaja piła
Była zaviejnaj nočču.
...Zavieja pryviała
U bor hadoŭ zabyty.
 
Sałodkaja piła.
I koń biełakapyty...
 
 
 
 
«Błakitny Dunaj»
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Ab čovien chvala...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Sancalub
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
U dva viasły viasłujuć...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Leta
Bryviej siło
Źviało dziaŭčo.
Praviej siało,
Siało Vaŭčo...
 
Sčubacieŭ chmiel.
Suchmień ahłuch.
Chmialeje čmiel.
Čmialeje łuh...
 
 
 
 
*  *  *
Prastuju da Dniapra...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Raka z taboj
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Duboŭ plačystych...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Mieteazvadam rad...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Pieśnia
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
A byŭ ja ŭ viasny pałonny,
Dy stukałi ščaścia koły:
Choć vosieński łist zialony,
Ale nie taki viasioły.
 
Abmierłi stromy, adchony
Maich kilametraŭ prasioły.
Moj vosieński łist zialony,
Ale nie taki viasioły...
 
Raskručvajucca rułony
Hramoŭ, navalničnych viasiołak.
Jak vosieński łist, ja zialony,
Ale nie taki viasioły...
 
 
 
 
*  *  *
Ja zahnaŭ ciahniki...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
V.
Ja tvoj niavolnik,
Tvoj pryhonny,
Ja volnuju ŭ ciabie prašu.
Adčajnaj radaści adchony
Ja śnieham śmiechu sparušu.
 
Dla inšych –
Vahi raŭnavahi!
Z varjactvam,
Serca, paradni,
Na panščynie tvajoj uvahi
Harbieć abrydła dzień pry dni.
 
Upartaha čakańnia chvałi,
Pryłivu miru ci vajny,
Mianie ŭsiaho spałasavałi
Tvajho dakoru civuny.
 
Ci ž mnie
Małicca na staroje,
Čakać,
Kab tolki jon nia znik, –
Na niebie zdradłivym nastroju
Tvajoj uśmieški maładzik?
 
Imčycie,
Volnaści furhony!
Łašak tuhi travu skubie.
Ja tvoj niavolnik,
Tvoj pryhonny.
Našto mnie vola
Bieź ciabie?!
 
 
 
 
*  *  *
Nie pa baradzie...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Śviet zachłynaŭsia ad śviatła...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
U vierbałiści plos...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Štrychi da partreta hoda
1
A ściažynka śmiajecca,
Biažyć za barok,
Lepiej hlań, –
Heta vypaŭzień z kraju
Ci Lucypar zhubiŭ
Z čaravika šnurok,
Ledźvie ŭciok jon
Ź zialonaha raju...
2
Ahłušana lasnaja starana.
Spraŭlajuć bal
Vadzianiki
Ci čerci?
Kardyjahramu serca
Pieruna
Małanki čerciać...
3
Nad polem
Chmarycca pahroza.
Hałosiać trunary-viatry.
Nibyta Žanna dArk,
Biaroza
Haryć
Na połymnym kastry.
4
Maroznamu nastroju rad,
Na dałaniach
Śniažynki važu.
A reaktyŭny šaŭkaprad
Z chmurynki biełaj
Ciahnie pražu...
 
 
 
 
*  *  *
Vyrvałi lon...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Kałi zdavołicca łistaboj...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Miakkija ruki
Z narodnaha
Na biełym śviecie
Žyłi dźvie siastrułi.
Adnaho baćki,
Adnoj matułi.
A los, jak zvyčajna,
Działiŭ adpaviedna:
Bahaćcie – bahataj,
A dzietki – biednaj!
A pieśnia-zabaŭka
Łicha hukała,
A pieśnia śpiavała
Svajo pamału:
– Lułi, lułi, małoje,
A naleta – druhoje.
Lułi, lułi, Nieścierka,
A naleta – šeścierka!
Siastra-bahatyrka
Ŭziała niemaŭlatka.
Malečy ciotka
Stała za matku.
I hod prachodzić,
Druhi minaje,
Dačušku maci
Štodnia ŭspaminaje:
«Jak tam jana
U bahataj chacie?..»
Pajšła praviedać
Dačušku maci.
A vuzkuju ściežku
Ślaza zvužaje.
Pryjšła nie jak maci
Jak ciotka čužaja.
...A častavałi
Sytoj sałodkaj.
Iduć pravodzić
Za rečku ciotku.
A ciotka prosić
Bahatuju matku:
– Małuju pieraniasu
Cieraz kładku.
Małaja j kaža
(A słovy z dakuki):
– Mama,
A ŭ ciotki
Miakčejšyja ruki...
 
 
 
 
Trypcich Vušaččyny

#1
Paciahnuŭsia pievień,
            vyhnuŭ zaciokłuju šyju i
            taropka kryłami załapataŭ.
Tak razvadniak
            paśla burnaj načy lapaje
            siabie pa kišeniach,
            spadziejučysia znajści na piva.
Mnahaženiec i vałacuha,
            piavun hałavu zakinuŭ,
            kab pieśniaj, siviejšaj
            za tumany, usłavić
            nałožnic, i hrebniem
            haračym, jak cyrkularkaj,
            nieba raspałaviniŭ –
            sonca z zachmarja vypała
            kostačkaj pieraśpiełaha piersika...
Ułasnaha hołasu
            nia moža nasłuchacca pievień,
            chvałicca,
            što sonca vyzvałiŭ,
            i sam sabie plaskaje.
Nu što ž, niachaj paciešycca,
            pokul jahonym kryłom
            prypiečak nie zamiatuć
            paśla taho, jak zasmažać
            jaječniu dla hościa...
Sinička pasiałiłasia ŭ sadzie,
            sinim zvanočkam źvinić:
            – Ci ty śpiš, ci ty śpiš?..
            Ustavaj, ustavaj!..
Bieły ručnik
            pierakidvaju cieraz plačo
            i, jak svat, – maładych
            vitaju:
sonca i ranicu.

 

#2
Sieni rasčynieny.
            Staju na parozie. Biarusia
            rukoj za vušak. Vychinajusia.
Z hniazda pad strachoj
            vytyrknuŭsia padlotak,
            ździŭlena na mianie pahladzieŭ
            viałiznym spałochanym vokam.
Jašče imhnieńnie –
            pyrchnuŭ, u bulbieńniku źnik.
Viarnułasia łastaŭka i pytaje:
            – Vy nia bačyłi, dzie moj niesłuch?
Dy tut spachapiłasia:
            – Darujcie, vylecieła z hałavy,
            što pa-łastaŭčynamu
            nie razumiejecie...
Chacieŭ zapiarečyć –
            niama... palacieła...
Tolki hraniony kiełich –
            ćviet harbuzoŭniku –
            cicha pazvońvaje.
U im praśviečvajecca
            kałmaty zakłapočany
            čmiel...

 

#3
Jakija tolki stahodździ
            ciabie nie chryściłi
            ŭ svaich Dniaprach, a ty
            jazyčnikam
            tak i zastaŭsia, Čovien.
Kab sustrełisia palcy ŭ małitvie,
            ty ruki vyciahnuŭ pierad saboj,
            słaviačy boha vady,
            pierš čym nyrnuć u chvałi.
Stary pahaniec,
            ściśni prasmolenyja dałoni
            i mianie napai z pryhorščaŭ...
Nie puskajuć na volu.
            Prycuhlany, ty mokrym nosam
            torkajeśsia ŭ kryśsie zialonaha bieraha...
 
 
 
 
*  *  *
Žurycca nie z ruki...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
2
Biaroza ź łistam havaryła...

#* * *
Viejuć łaskaj
Viatry zachodnija.
Na jabłyni majskaj
Špak zachodzicca.
Spłyłi, jak kryŭdy,
Zialonyja kryhi.
Špak z asałodaju
Sušyć kryły.
Viaz zaćvitaje
Ćvietam spałochanym.
Dom na ŭsie dźviery
Uzdychnuŭ z palohkaju.
Ściežka da kładak
Travoj paznačana.
...Dzień dobry,
                                  mama!
Pakłon,
                  Vušaččyna...

 

#* * *
Travy
Zialonyja pravy
Zdaŭna
Jaryła harantuje.
Špak,
Byccam chłopiec paravy,
Prastuje ŭ čyściniu hustuju.
Ilśnicca siłaj sakaŭnoj
Ziamłi abnova maładaja.
I špak pabłiskvaje śpinoj,
Sabie śniadanak vybiraje.
Prycich
Zrunieły niebakraj –
Trava z vadoj zahavaryła.
A miatłik,
Jak anioł, što ŭ raj
Chacieŭ,
Dy nie puskajuć kryły.
 
Praź niebyćcio,
Viakoŭ ravy
Trava
Prabjecca vastrakryła,
Bo maje ŭładnyja pravy
Vohniebarodaha Jaryły.
 
Trava zastaniecca travoj:
Čuprynaj zašumić hustoju
I nad adčajnaj hałavoj,
I nad źniamohłaj niematoju...

 

#* * *
Što smucien,
                            rodny bor?
Daŭno ciabie nia bačyŭ.
Nu, jak tvoj smałazbor,
Padsočany biadača?
 
A dziacieł chaj dziaŭbie,
Tut kłopat nieviałiki –
Vysłuchvaje ciabie,
Jak kažuć, dla pryłiki.
 
I zachłynaje duch
Małińnikam haračym.
My znoŭ z taboju ŭdvuch.
Ciapier my bolej bačym.
 
Da sivizny zmała
Zhadaŭ svaje šlachi ja.
I sočycca smała
U nabirki hłuchija.
 
Ciecieruku-carku
Chaj takavišča śnicca.
A ja zhadaŭ carkvu
Hetuju aščadnicu.
 
Ciakłi tak miedziaki,
Ciakłi na adbudovu.
Zvany,
              niby dziaki,
Pabomkvałi časova.
 
Ciakła smała,
Ciakła
U nabirki niavinna.
Była carkva,
Była, –
Zastałisia ruiny...
 
Ty nervy ŭsie napni,
Jak treba pierad skonam.
A potym
Buduć pni
Achoŭvacca zakonam!..
 
...Dakoram nie kranu,
Padziakaj nie zaznaču,
Što došak na trunu
Dla maci daŭ,
                            ziamlača.
 
Zharbieła barazna.
Naviek zaśmiahłi huby.
Nad joj šumić sasna –
Dačka tvaja, moj luby.
 
Ty ź losam nie chitrun,
Viastun zielenačuby,
Pamieniej viedaj trun,
Čaściej kładzisia ŭ zruby!..

 

#* * *
Padaje,
Padaje łiście...
Čas – małady nihiłist.
I sam apadu kałiści,
Jak pieraśpieły łist.
 
Adsiakaje dałoni
Klanam
Łistaboj.
A kałi nam
Z taboj
Sustrecca tam,
Dzie sustreč niama,
Dzie nie vyhuknieš navat:
– Ma...
Mama,
Nia skažaš
«Synok»
Taksama.
 
...Biaz prosu zachodziła
Vosień u sieni.
Ja pomniu hołas
Pieśni asieńniaj:
«Biaroza ź łistam
Usiu vosień havaryła:
– A moj łistočak,
A moj zialonieńki,
 
Ty ž mianie pakidaješ...
– Niaboś, biaroza,
Niaboś, biełaja,
Ja k tabie viasnoj budu,
Z taboju šumieć budu,
Ciabie zielanić budu...»
 
...Siońnia.
Było heta ŭsio
Kałiści...
...Padaje łiście...

 

#* * *
Śpić mohilnik
U duchacie.
Chto časty doždž raźlenić?
U nahach matułi zaćvicie
Razhubleny jadleniec.
 
Abnačavać na papłavach
Hramam za cichaj rečkaj.
I matylok u hałavach
Uschłipnie
Kvołaj śviečkaj.
 
Kasoj zazvonić sienakos,
Ad pałynu prahorkłaj.
I žyłki sinija strakoz
Zabjucca nad pahorkam.
 
A vosień daharyć
Datła –
Čakaj zaviejnych čaic.
Vačnica ŭpałaja dupła
Napoŭnicca adčajem...

 

#* * *
Pramień,
Haspodu zajmaj!
Dzień samapasam padros.
Sonca na leta,
Zima –
Na maroz.
 
Zimovy soncazvarot
Soncu daje pravy.
Za spravu biarecca
Hod...
Zakasvaje rukavy.
 
Rupicca
Juny hod,
Hod bieź ciabie druhi.
Hod
Maich złych niahod,
Hod
Spałyniełaj tuhi.
 
Mama...
Pad sercam ladzień.
Mama...
Tuhu nie suroč.
 
Mnie
Samy karotki dzień.
Mnie
Samaja doŭhaja noč...

 

#* * *
Ščodry hołas tvoj
Čuŭ paŭsiul ja,
Baravin ušackich
Ziaziula.
Što ž ty sioleta
Zyčyš mała
U dzień naradžeńnia mamy?
 
Nieviałika
Tvajo viałičča.
Ty hadoŭ
Navat tych nia źłičyš,
Što zabrała
Biada-pabirucha,
Što adkryła
Čornaja skrucha.
 
A hadoŭ tych
Było zamnoha
Nie za morami,
Nie za barami.
Nie schacieła działicca sa mnoju,
Mama
Hora z saboj zabrała.
 
Mama zvała ciabie
Kukułka...
Miakka ścieleš ty,
Spać joj mułka.
 
...Hrabovy doški
Ścisnułi nožki...
Syraja ziamla
Na serca lahła...

 
Ślaza haručaja
Piasku adčaju
Namyje.
Pieśnia siročaja
Nie adčynić
Dźviery niamyja:
Niama ŭ ich klamak.
I niama tych kramak,
Dzie pradajuć mamak...
 
Chatul svajho smutku,
Bolu
Zabirajuć matułi
Z saboju.
Nam jany pakidajuć
Śviet bieły,
Kab ziaziułi hady
Nam
Łičyłi.
 
Ziamla naša paharbieła –
Mahił chatułi
Za plačyma...

 

#* * *
U vydmach zachmarnych
Zavieja viedźmicca.
Zmrok vypłyvaje,
Nibyta ź niabytu,
I poŭnić koŭš
Viałikaj Miadźviedzicy,
A koŭš vysoka
Palarnaj zorkaj prybity.
Praz noč usiu doŭha
Dołu
Chiłicca
Koŭš,
Kab vyłicca
Z vyšyni
U miakki koš
Dośvitkavaj cišyni.
Zmrok ahortvaje
Mahiłu tvaju
I maju dušu.
Taju
Kryŭdu ahorkłuju, –
Nijak jaje nie zadušu!
Zmroku adčaju majho
Baluča kareć.
Nakanavana tak na viaku.
 
...A ŭ našaj chacie karec
Visieŭ na draŭlanym suku.
My čerpałi ź viadra nietaropka
Maładzičkoŭ ildzinki
Dzińkija
I zorak kropłi.
Dy bolej karca niama ŭžo,
I ćvik draŭlany złamaŭsia.
U studni pamiaci
Vada ŭspaminaŭ ledzicca.
 
A koŭš Viałikaj Miadźviedzicy
Visić tryvała –
Palarnaja zorka
Trymaje...

 

#* * *
Abnaščyłasia viasna
Doždžykam mhłistym,
Śvistam.
Ščadreje viasny kazna
Homanam zielenałistym.
Dzumkaje chrušč-nieludzim.
Hrom spraviŭ
Zialonyja kściny.
Na hanku z mamaj siadzim.
Zimovaja ŭ mamy chuścina.
 
Na hankach
Dramałi suboty.
A naš
Pierastupałi turboty.
Na ludskich
Haviełi niadziełi,
Na našym –
Zredčas siadziełi.
Dzumkaje chrušč-nieludzim.
Tryvožna z mamaj siadzim.
 
Kaža,
Nia ŭźniaŭšy voč,
Zdajecca,
Siabie nia čuje:
– A niechta ž
Pieršuju noč
Na mohilniku načuje...
 
 
 
 
Matčyny pieśni

#* * *
Udava –
Biaroza biaź vierchu.
Adnoj biedavać
Da vieku.
Udavinaja –
Dola savinaja:
Što ŭchopić,
Toje jejnaje.
Za jelnikam,
Za biareźnikam častym
Abnačavała ščaście.
Na ŭdavu –
Biednuju hałavu,
Tolki złaja słava.
Biez sakała pava.
Kožnaja,
Jak skała,
Chmary hustyja.
Jakaja jasnaha sakała
Pachavała,
Nia znaje.
Stynie
Paściel puchavaja,
Viačera sacharnaja...
Pole ŭdoŭčyna
Miadźviedź
Karčom areć,
Baranujeć voŭčańka...
Zialonaje pole
Zasiavajecca bolem,
Rodzić lebiadoju,
Žniecca biadoju...

 

#* * *
              Vierabieječki
              Čy-čy, čy-čy.
              A ja, mołada, ŭsio płačučy.
              Ci charty paciamnio
              Biady najachkałi,
              Što śviakroŭ u mianie
              Nijakaja!
              Abłačynka padtałaja –
              Biełaja płotka.
              Śviakroŭ zahadała
              Rabić rabotku.
              Rabić rabotku,
              Dy nie ŭ achvotku –
              Serca bałić:
Na mory białić
                                  pałatno,
Na lesie sušyć,
                                    kab było ładno.
Na niebie kačać –
                                      da zary kančać.
U arešak składać,
                                          jak pačnie chaładać...
Pałatno, łajno
Ad śloz namokła,
                                        ja ž nia kačačka płyści pa mory.
Nie lutuj, nia złuj, śviokar-sivier,
                                                                          ja ž nia soniejka chadzić niebam sinim.
Zašumi, dubrovačka, jak šumieła ŭ mai,
                                                                                  ja ž nie vavioračka – areškaŭ nia maju.
Sama pajdu darohaju,
Hołas pušču dubrovaju.
Niachaj hołas hałasuje,
Niachaj mianie mamka čuje.

 

#* * *
Abniała viasiołka
Siem sioł
Z prysiołkami.
– Čamu, sielazień,
Smucien, nieviasioł,
Chiba leta zołkaje?
– A jak ža mnie być
Viasiołamu,
Nie mahu pazbyć
Svajho soramu.
Učora
Źviačora
Na mory byŭ,
Kačačku sačyŭ,
Hłybini źleciła
Leciejka.
Na mory byŭ,
Kačačku sačyŭ.
Siahońnia rana źlocieła.
Chvala biełaja
U bierah plochkała,
Choładam abdało
Kryło.
Kab dalokaja –
Žalu b nie było.
A to ž kačačka ad mianie
Na trecim kuście
Kupajecca,
Nyrajecca,
Mnie, sielazieńku,
Naruhajecca.
Vyhrabałi vieślary
Mora ŭ sto viasioł.
– Čamu, chłopča, havary,
Smucien, nieviasioł?
– A jak ža mnie być
Viasiołamu,
Nie mahu pazbyć
Svajho soramu.
Učora
Źviačora
U svatach byŭ –
Dziaŭčynu zapiŭ.
Zachodziła soniejka –
Sułiła jasny dzień.
A maja zaranačka siońnia
Za druhoha jdzie.
Niezdarma ŭnačy
Sava halokała,
Huło
Dupło.
Kab dalokaja –
Žalu b nie było.
A to ž dziaŭčyna ad mianie
Na trecim dvare
Umyvajecca, vycirajecca,
Mnie, maładomu,
Naruhajecca...

 

#* * *
Na kucie,
Jak na pakucie.
Chmiel, što za stałom ćvicie,
Z radaściu pakumcie!
Siadu ja na kucie,
Ruki zakasaŭšy.
Staić miły na parozie,
Jon šapačku źniaŭšy.
«Dziakuj tabie, maja miła,
Što nia duža biła.
Kuplu tabie harčyk miodu,
Konavačku piva...»
Ja ŭpiłasia na miadu,
Damovački nie dajdu...
Jość u mianie maładziec,
Jon dadomu zaviadzieć...
Małady tabie nia roŭnia.
I nia znojdzieš horšaha.
Daj ža Boh jamu zdaroŭja
Z žabiny pryhorščyki!..
A ź ciabie takoj karyści!
Pačakaj – paciešu...
Šapkaj bociki mnie čyści,
Raźmiataj ściežki.
Dy starajsia, čort rahaty,
Padmiataj čysta.
Ściežka kolki dzion da chaty
Zapadaje łistam...

 

#* * *
Vody źbiehłi z hor.
Rastałi hurby.
Ja ŭ ciomny bor
Pajšła ŭ hryby.
Pachła apieńkami
U troch kašalach.
Ja, maładzieńkaja,
U pir zajšła.
U pirušačcy
Smalanyja łavy ŭsie.
A chaj jaho palaruš –
Zahulałasia!
U stracha vočy pa jabłyku.
Damoŭ iści pabajałasia.
Pjanaje piva.
Hości pamoŭkłi.
Piaje pievień –
Nie jdu damoŭki.
Braha ŭ bierahi
Bje, miadovaja.
Piaje druhi –
I nie dumaje.
Zaniaŭsia zołak –
Ja
Idu viasiołaja.
Kab nia rypnuć,
Adčyniaju varociečki.
Miły ŭ piarynie
Varočajecca.
Nie padymaje voč,
Pytajecca:
– Dzie była ŭsiu noč,
Šałtaica?
– Moj mileńki,
Pad łavaj
Šukaješ tapor.
Usiu noč spała
Za taboj.
Ci ty pa viaśnie
Aduračyŭsia,
Što ŭsiu nočku ka mnie
Nie abaračvaŭsia?..

 

#* * *
Sakały za stały zalaciełi –
Hościki maje załacieńkija.
Hałubki, hałubački,
Nie vybiraju na lubki,
Usie vy lubyja.
Čym ža vas častavać,
Čym ža vas vielmavać?
Bob, haroch nie małočany,
Na tok nie vałočany.
Kačan kapusty na lasie,
Vierabieječka ŭ strasie.
Bob, haroch abmałaču
Ŭ mužyka na łabiaku,
A jašče, jak zachaču,
Łajdaku dapiaku.
Budzie z chmaru chleba łusta,
Prychinisia, kum, bakom.
Budzie tłustaja kapusta
Ź vierabinym kumpiakom.
Budzie heta, budzie hena,
Budzie para, budzie piena.
A pakul što sakałami
Pasiadzicie za stałami!

 

#* * *
Pajšoŭ kazioł u harod,
Škody natvaryŭ na hod.
A vytaptaŭ bieł časnok,
Byccam tupaŭ u šeść noh.
Usie dudy kinu-rynu,
Paviadu kazła na rynak...
Kolki taje prybyłi –
Pradała za try rubłi.
Na rub kuplu białiła,
A na druhi – čarniła,
Rumianaŭ na reštu,
Budu, jak niaviesta.
Zielaniej, šumi, javor!
Jak na łicha muž na dvor.
Pierapytvaje surova:
– Čaho, žonka, čarnabrova?
– Łučynačku pałiła –
Brovy ahniom schapiła.
– Što ž takaja biełaja?
– A ja muku siejała.
Kiepski ź ciabie mukamoł.
– A dzie ž, žonka, naš kazioł?
– Pajšoŭ kazioł na haru,
Skruciŭ sabie hałavu.
– A kałi ž u nas hara
Vyrasła siarod dvara?
 
 
 
 
3
Paema pryznańnia
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Arłinaja balada
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Brusiel – Londan. U tumanie sonca
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Unizie ...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Adeskija katakomby
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Vułicy Ŭładzivastoka
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Chvalam...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Mis Azija
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
*  *  *
Z darohi źbiŭsia...
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Śpiakota
Hrom pieraśmiahły
Našča
Złujecca na dzień prapaščy:
Chmary
Znoŭ nie ŭziałi z azior jasaka.
Z paburełaj raskołiny
Miadźviedžaj paščy
Vyrvaŭsia vadaspad jazyka...
 
 
 
 
*  *  *
Kłapoty pa baku!..
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Na Kuršskaj kasie
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙   ∙
 
 
 
 
Padabajecca     Nie padabajecca
2009–2019. Biełaruś, Miensk.