Зьмяніць кірунак, здрадзіць Краю Суровы лёс ня змусіць нас, Мы будзем роднай Беларусі Сынамі вернымі ўвесь час. Янка Золак |
|
Кірмаш мусаў – 2011
У музеі Купалы завяліся хобіты! Суполка “Літаратурнае прадмесце” правяла трады-
цыйны кірмаш мусаў – аўкцыён, на якім можна пазбавіцца ад непатрэбных падарункаў, абмяняцца цікавымі рэчамі, а таксама пачуць незвычайныя гісторыі. Кожнаму наведвальніку перад пачаткам дзейства раздаецца “валюта” — так званыя
“сімулякрыкі”, за якія можна набыць усё, што выстаўляецца на аўкцыён. Людміла Рублеўская прадставіла Рагнеду Крышталюк — сімулякр, створаны “Літара-
турным прадмесцем”, уяўляе сабой ружовы парасон з “рожкамі”. Дарэчы, сімулякр – слова, якое даўно прыжылося ў суполцы, вызначаецца як копія, якая не мае арыгіналу. У Людмілы Іванаўны задача няпростая — прадставіць кожнага ўдзельніка, “інвен-
тарызаваць” шматлікія лоты, сачыць за часам і абменам сімулякрыкаў на прадметы самага рознага прызначэння і каштоўнасці. Лот Віктара Лупасіна – нематэрыяльны. Ён выставіў свой брэнд "Ываноў".
У якасці выступа Віктар прапанаваў самы кароткі непрыстойны раманс і арыгіналь-
ныя кароткія вершы, у тым ліку пераклад паэмы “40 раз по разу”. Аўкцыён 2011 аказаўся надзіва літаратурным – амаль усе выступоўцы вырашылі
“пазбавіцца” ад кніг, некаторыя прапаноўвалі цэлыя наборы. Ад Таццяны Барысюк – Валянцін Пікуль, Умбэрта Эко, зборнік вершаў Пятра Барысюка. Алесь Емельянаў прадставіў лот “Тарас на Парнасе” на трох мовах...
...а пад гітару — лімерыкі Андрэя Хадановіча.
Ад Вікі Трэнас — скрэпкі Алеся Наварыча розных памераў і сімпатычны блакнот.
Адзнакi:
0/0
Водгукі(0)
|