РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Сядзь тут, пад крыжам...
Сядзь тут, пад крыжам, сядзь, аддыхні!
            Змучаны, браце, дарогай!
Ты без аддухі многія дні
Шоў сіратою паміж людзьмі,
            Ждучы спачынку з трывогай;
 
І не знайшоў ты друга нідзе,
            Што запрасіў бы ў хаціну,
Дзе б ты забыўся аб горкай бядзе,
Што за табою з горам ідзе,
            Дзе б аддыхнуў ты часіну.
 
Дзе б табе далі цёплы куток,
            Каб не калеў на марозе;
Каб ня млеў, хлеба далі б кусок,
Веры і сілы дзе б ты, дружок,
            К дальшай набраў бы дарозе.
 
I не знайшоў ты хаткі такой;
            Дальш ісьці мала ўжо сілы;
Сядзь тут, пад крыжам, браце ты мой!
Тут як спачнеш ты з бурлівай душой,
            Дойдзеш лягчэй да магілы.
 
[1906–1910]
 
 
 
 
Падабаецца     Не падабаецца Водгукі
2009–2019. Беларусь, Менск.