РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Якуб Колас
Вершы
Кантэкстны тлумачальны слоўнік
На полі вясною
Люблю я прывольле
Шырокіх палёў,
Зялёнае мора
Ржаных каласоў
 
I вузкія стужкі
Сялянскіх палос –
Люблю цябе, поле,
Люблю я твой плёс!
 
Ігрушы старыя,
Што ў жыце шумяць,
Зялёныя межы,
Далёкую гладзь.
 
Люблю я дарогі,
Што леглі між гор,
Ўнізе пад гарою
Ручча разгавор.
 
Люблю я узгоркі,
I насып-курган,
I сіняй далечы
Празрысты туман...
 
Люблю пазіраць я
На поле вясной,
Як ветрык жартліва
Плыве збажыной.
 
Калышацца жыта,
Радамі бяжыць,
А хваля паветра
Дрыжыць і дрыжыць...
 
Люблю я прывольле
Шырокіх палёў,
Зялёнае мора
Буйных каласоў.
 
 
 
 
Падабаецца     Не падабаецца
2009–2019. Беларусь, Менск.