RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Anatol Sys
Vieršy
Kantekstny tłumačalny słoŭnik
Pacierki
Hetyja draŭlanyja pacierki z šyi majoj babułi
nasampraŭdzie burštynavyja. Štonočy jany
padkočvajucca da majoj hałavy
i samotnym hołasam
pytajucca pra svaju haspadyniu.
 
Adčuvaju, jak mianie pranizvajuć burštynavyja
promni, i ja, začaravany, uzirajusia ŭ ich metu,
a tam niemaŭlačy biełarusik u prypole
sivoj babułi hulaje burštynavymi manistkami.
– A ŭ pierapiołki hałoŭka bałić... –
zamiest kałychanki śpiavaje jamu babula.
– A ŭ pierapiołki ručki balać...
Chłapčanio zasynaje i ŭsio žyćcio
zadumvajecca pra harotnicu-pierapiołku.
 
...Henyja draŭlanyja pacierki nasampraŭdzie
burštynavyja. Ich zhubiła pierapiołka,
kałi nahnułasia rasy papić...
 
 
 
 
Padabajecca     Nie padabajecca
2009–2019. Biełaruś, Miensk.