РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
Баравікі
З прыполу хмар асеньні дождж пасеяў
грыбы, грыбы... Вось забірай дарма.
У бор прыбегла з кошыкам надзеяў.
Шукаю шчырых, а такіх няма.
 
Кругом паганкі, дробязь, мухаморы,
ня зьлічыш пачарнелых савякоў,
разьмяклых ад расы і не ў гуморы,
што апусьцілі капялюш далоў.
 
Гараць рыжкі, ірдзяцца сыраежкі,
і сьлізгаюцца ў пальцах масьлякі.
Чырвоныя галовікі на ўзьмежку,
а ў сэрцы мрояцца баравікі.
 
Такія шчырыя, праўдзівыя, што крэмень,
нібы браты, харошаю сям'ёй,
зьяднаныя грыбніцаю, карэньнем,
без чарвяточыны, пад галіной.
 
Шукаю шчырых, баравых, харошых,
хоць сонейка ўжо падышло ўгару
і мой яшчэ зусім ня поўны кошык.
Шукаю шчырых, іншых не бяру.
 
 
 
 
Падабаецца     Не падабаецца Водгукі
2009–2017. Беларусь, Менск.