РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
*  *  *
Ня таннасьць напеваў чужых, учарашніх,
Што сэрца людскога нам не закранае,
Ў крыві нашай бродзіць любоў і бясстрашша
Стагоддзяў суровых пакутнага Краю.
 
Ні модны напрамак, ні шумныя хвалі
Ня змыюць ласкавасьці мілай і шчодрай,
Прадзедаў сілу вякі ўзгадавалі,
Таму яна сяньня ў крыві нашай гордай!
 
Удараў варожых і ранаў нязьлічных,
Заўсёды за лёс наш народны ў трывозе,
З поту й крыві выціраем аблічча,
Радыя сонцу на родным парозе.
 
Глумілі нас войнаў ліхія прыбоі,
Народныя скарбы цяглі даастатку,
Мы зналі: нам трэба за людскасьць устояць,
Дастойнае імя пакінуць нашчадкам!
 
 
 
 
Падабаецца     Не падабаецца
2009–2019. Беларусь, Менск.