 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Partyzanskaha lahiera
Trochi pažoŭkłaje fota...
Vynachodnictvu Dahiera
Dziakuj ad šostaje roty!
Ad jaje kamandzira,
Rusačubaha, pieršaha sprava.
Na dzieviaty dzień miru
Jon zahinie pad Prahaj.
Pobač – sprava druhaja –
Darahaja jaho, suviaznaja
Zastaniecca žyvaja...
Dy nichto šče pra heta nia znaje.
I narodzicca syn.
Rusačuby.
Vajennym piłotam
Jon praz tryccać adzin
Hod
sustreniecca z šostaju rotaj.
Paradziełaj, śsiviełaj,
Adno i bahataj –
na straty...
Stanie źleva
I budzie hladzieć vinavata.
Rota achnie suładna,
Pamiać rotu ažno zachistaje:
«Hetki ž strojny i ładny!
Tolki roty jamu nie chapaje...»
Rota vyrašyć spravu
Jak naležyć: biaz muzyki doŭhaj
Zahadaje stać sprava,
Pieršym sprava –
pa pravu i doŭhu.
I sastupiać hady,
Ažyvie i paŭtorycca fota:
Kamandzir małady...
Ź im jahonaja
Šostaja rota.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
