RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Na advitańnie
Budź ščaśłiva, dziaŭčynka, ŭ niadołi,
Chaj paciecha ciabie minie!
Mnie z taboj žyć nia sudžana bolej, –
Honić dola adhetul mianie.
 
Budź ščaśłiva, dziaŭčynka-hałubka!..
Nie kryŭduju na hordaść tvaju, –
Nia čuŭ łaskavych słoŭ z tvaich hubkaŭ,
Chod tak ščyra lubiŭ i lublu.
 
Usio piekła ja źviedaŭ kachańnia,
Usie muki jaho skaštavaŭ,
A ŭsiu radaść i raj miłavańnia
Niedruh vyrvaŭ, spahaniŭ, staptaŭ.
 
Ja tak ščaścia na śviecie znaŭ mała
I pryvietu nia znaŭ ad ludziej, –
Ciabie ŭbačyŭ – i viesieła stała,
I ty stała za ŭsio mnie milej.
 
Jak słuha, jak niavolnik, tabie ja
Tak staraŭsia słužyć, dahadzić!
Tak lubiŭ ciabie ščyra, z nadziejaj,
Što ŭzajemnaściu budzieš płacić.
 
Ty ž, dziaŭčynka, za hetuju družbu
Nie žaleła mianie aničuć, –
Za pryviet moj, za lubaść, za słužbu
Słova łaski nia ŭmieła šapnuć.
 
Ej, dziaŭčynka, dziaŭčynka, śviet vidzie
Usiu praŭdu, niapraŭdu usiu,
I chto znaje, ci časam nia pryjdzie
Słušny dar za niadolu maju.
 
Budź ščaśłiva, dziaŭčynka! Lubisia
Z tym, chto tolki źniasłaviŭ ciabie,
I, paznaŭšy manu ŭsiu, nia hnisia,
Bo tady ŭžo nia žyć lepš tabie.
 
Mianie, znaju, dziaŭčynka, zabudzieš, –
Ci ž na pamiać słuha zarabiŭ?
Ale choć mo i vieryć nia budzieš,
Ciabie pieršuju ja tak lubiŭ.
 
Jašče raz budź ščaśłiva, dziaŭčynka,
Choć nia lohka nam ščaście spatkać!
Ja ž adzin, jak nad rečkaj viarbinka,
Budu žyć i ciabie ŭspaminać.
 
I na pamiać, što ŭ sercy mnie ŭskreśnie,
Čym ja žyŭ tak i mučyŭsia čym,
Złažu samuju lepšuju pieśniu
Ab tabie i kachańni tvaim.
 
1907
 
 
 
 
Padabajecca     Nie padabajecca
2009–2019. Biełaruś, Miensk.