 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Асыпала попелам сыпкім зьмярканьне
вакно і паперу, пяро і мяне...
Пад небам зімовым
над шэрым парканам
рабіна галіны шкляныя хіне.
I столькі спакойнае, простай пакоры
прад лёсам зь вятрамі ды сьцюжай у ёй,
што гасьне імкненьне падзеі паскорыць
і цішаю поўніцца сэрца
й маё.
I хочацца шрэняй ахутацца срэбнай,
таксама хістацца на ветры й чакаць
ізь верай глыбокай –
аж зь сіняга неба
хлыне на зямлю залатая рака,
аж сокі густыя закружаць у жылах,
аж сэрца заб’е ў залатыя званы
і сном недасьнёным растае ў расьцьвілых
далечах
туга
прад абліччам вясны!
1945, Бэрлін.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
