РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Дэпутаты й грамадзяне
Селі ў Думу думаць думы
      Паны-дэпутаты
I, як шэршні, між сабою
      Спор вядуць заўзяты.
 
Той крычыць: такіх нам трэба
      Ладаў і парадкаў!
Той гудзіць: ня трэ' нічога –
      Ўсё ў Русі йдзе гладка!
 
Хто зь іх праў, а хто ня правы, –
      Трудна адгадаці, –
Адно толькі – грамадзяне
      Змушаны маўчаці.
 
1913
 
 
 
 
Падабаецца     Не падабаецца
2009–2019. Беларусь, Менск.