РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Быў гэта сон...
Быў гэта толькі сумны сон
Душы расплаканай маей,
Што сярод бледных будных дзён
Я сьвята меў, глядзеў сьвятлей.
 
Быў гэта толькі сумны сон,
Што у вачох яе скрозь сьмех
Чытаў сьвяты сабе закон
Каханьня шчырага і ўцех.
 
Быў гэта толькі сумны сон,
Што вось інакшая яна
I пойме болю майго стогн,
Зірне ў душу маю да дна.
 
Быў гэта толькі сумны сон,
Што разьвяду я зь ёй бяду,
Што пад яе напеваў звон
Лягчэй к магіле дабрыду.
 
Ўсё для мяне быў гэта сон;
Хтось іншы яву меў ў жыцьці, –
Ён ёй і мне стварыў прыгон,
А сам сышоў, каб... не прыйсьці!
 
1915
 
 
 
 
Падабаецца     Не падабаецца Водгукі
2009–2018. Беларусь, Менск.