РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Для Бацькаўшчыны
Я зноў заснуўшую было жалейку
Бяру і пробую ў ёй галасоў:
Ці хопіць сьветлых, звонкіх думак-слоў,
Ці гладка пойдзе песьня-дабрадзейка?
 
I пачынаю йграць з трывогай нейкай,
Хоць песьня як і з даўных б'е часоў, –
Зьвініць, як вецер паміж верасоў,
I ўперагонкі рвецца з салавейкай.
 
А ўсё ж як тамка сваякі-суседзі
Яе паймуць, хацелася бы знаць, –
Ці блаславяць, ці ўтопчуць гідка ў гаць?
 
Адно, снуючы з сумам па прасьледзьдзі,
Я голасна йграць буду ў тайным брэдзе,
Для Бацькаўшчыны-маці буду йграць!
 
1918
 
 
 
 
Падабаецца     Не падабаецца Водгукі
2009–2019. Беларусь, Менск.