 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Табе, як сябру і паэту,
За дружбу цёплую тваю,
Сяброўскай ласкаю сагрэты,
Ад сэрца шчырага пяю
Я гэту песеньку сваю.
Свае найлепшыя парывы,
Агонь душы і сэрца жар
Нясеш ты ў сьпеве гутарлівым
Любімай Бацькаўшчыне ў дар,
Як верны сын яе й пясьняр.
І ты, як чулы сын народу,
Гарыш агнём ягоных дум.
Калі-ж душу ў часы нягоды,
Як ланцугом зацісьне сум, –
Сьпявай пра шчасьце і красу!
Няхай цьвіце на роднай глебе
Твой сьпеў, як гожы васілёк;
Няхай лунае ў нашым небе,
Як лёгкакрылы матылёк
Лунае ў сонечных палёх!
21.III.1942 г.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
