РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
Дафніс і Хлоя
I

 
Залева не расплятае кос:
Схоў –
Пад скалою!
 
Дафніс шукае коз.
Коз
Падганяе Хлоя.
 
Уздрыгваюць вейкамі
Крылы стракоз:
Раскошна ў даліне згоды
Спакою...
 
...Хлою –
Недаткнёнку-сасонку –
Нарадзіла зялёная Хвоя,
Спавівала Хлою
Імглою...
 
...Багоўка
На пальцы ў Хлоі
Зьнічкай малою,
Вочкам пярсьцёнка:
Не суроч,
Нарачонка!..
 
...Сарамяжлівасьці дзявочай
Палоньнік –
За пазухай Хлоі стракоча
Конік.
 
Божа,
Як Дафнісу
Да яго дакрануцца?
Хлоя можа
Прачнуцца...
 
...Дафніс!!!
...Падае
                  неба дах
                                      ніц...
Зорамі... неба вачэе.
– Што на вячэру?
– Яглі...
                  (Пацалаваліся
                  і спаць ляглі...)
 

II

 
– Халодная коўдра,
Хоўра!
– Чаго ваўкамі маўчым?
Бульбу смажыць на чым,
На лою?..
                      (Хлоя?)
 
– Спруцяней,
Дарахвей!
                      (Дафніс?)
Дыхні,
              с-сабака!
Цягне, як зь бензабака.
Мокнеш у гаражы!
...Хоць варажы
На мігатлівых пялёстках
Газавай пліткі...
                                  (Высах зь лёстак
                                  раўчук плыткі...)
 
...Горбіцца
Сантымэнту правізар,
Празорлівы тэлевізар:
– Хэло! Я
Цябе чакаю,
Хлоя...
...I рэха
                  пагасла
                                    ахне:
Дафнь-
              ні-
                      сс!
 
 
 
 
Падабаецца     Не падабаецца
2009–2019. Беларусь, Менск.