РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
*  *  *

Печаль моя светла.   
#А. С. Пушкін

 
Жытло маёй душы
Заселена табою,
Сьвятло маёй тугі
Зацеплена табой.
Сьвятла не патушы,
Бо ўцёмначы абое
Абралі шлях даўгі
З адвечнай варажбой.
 
Настрою б не ўрачы
Твайго, нібы прыбою, –
Каб згода не сплыла,
Як па вадзе кругі.
Сьвітае мне ўначы,
Я высьветлен табою.
Не пакідай жытла,
Сьвятло маёй тугі...
 
 
 
 
Падабаецца     Не падабаецца
2009–2019. Беларусь, Менск.