RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Ryhor Baradulin
Vieršy
Kantekstny tłumačalny słoŭnik
Dziakuj
Tym zastollam,
Tym paścielam –
Dziakuj,
Dzie ja haściavaŭ,
Dzie načavaŭ,
Dzie siabie, jak doma, pačuvaŭ,
Dzie była paduška duža miakkaj.
 
Dziakuj tym staham
I tym stažynkam,
Što chmiałiłi nočy murahom,
Dziakuj tym śniaham
I tym śniažynkam,
Ad jakich śviatleła ŭsio kruhom.
 
Dziakuj
Pakravam,
Dziadam,
Kaladam,
Što čakałi z daŭnaści mianie,
Ručnikam,
Ad sivieru kalanym,
Česnaj kryŭdzie
I niazłoj manie.
 
Dziakuj toj,
Ad jamin vaspavataj,
Ściežcy spornaj u svajoj chadzie,
Što na hety śviet
Viała z pavahaj
I na toj
Spakojna paviadzie.
 
Nie była vada z krynicy daŭkaj.
Dola dumki volnymi pasła.
 
Zahadzia
Ziamłi
Kažu ja dziakuj,
Bajučysia nie paśpieć paśla...
 
 
 
 
Padabajecca     Nie padabajecca
2009–2019. Biełaruś, Miensk.