Я падштурхнуў плячом Хмару, Як човен зь ліўнем, – Каб залілася плачом Там, дзе дажджу малілі. Човен мой плыў у гарах, Бы ў сьнегавых кар'ерах, Громам прачнецца страх – Стукнецца толькі ў бераг. Лёгка на вышыні, Хочацца – нахініся I навальніцу штурхні, Хай адчуваюць унізе! Покуль угору зноў Вернецца навальніца, Многа бясхмарных сноў Богу дажджоў насьніцца. Хмары даўно сплылі. Я, дзівачына, думаў: Так бы зганяць На зямлі Хмары самоты і суму!
|
|