РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
Кыз ямшчэк
Кыз ямшчэк –
                              пагодныя пагоркі,
Смутная смуга.
Кыз ямшчэк –
                              палын палюча-горкі,
Як туга.
Кыз ямшчэк –
                              нябуджаныя грудкі,
Пудкія грудкі.
Кыз ямшчэк –
                              сябе баіцца, прудкі,
Рух рукі.
Кыз ямшчэк –
                              дыханьне тоіць вечар
Сьпеўных аблачын.
Кыз ямшчэк –
                              сябе баіцца вечнасьць
Аблічыць.
 
I арлу з захмар'я ў подых пахкі
Ўпасьці ўніз ямчэй.
Пырхнуць думак грэшных курапаткі –
Кыз ямшчэк...
 
 
 
 
Падабаецца     Не падабаецца
2009–2019. Беларусь, Менск.