RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki      Haścioŭnia      Spasyłki      Ab sajcie       Кірыліца      Łacinka    
Ryhor Baradulin
Vieršy
Kantekstny tłumačalny słoŭnik
*  *  *
Naviedvajcie baćkoŭ,
                                              pakul jany žyvyja,
Pakul dymiacca kominy –
                                                          nahrejciesia ŭ baćkoŭ.
Kałi adčaj viakoŭ
                                      hajnioj vaŭkoŭ zavyje,
Nia treba anikomu jon,
                                              sum la ślapych słupkoŭ.
Pišycie im čaściej,
                                            spakojem achinajcie,
Jak achinałi niekałi
                                      jany ŭsie vašy sny.
Biaz baćkavych nadziej,
                                                  biaź cichaj łaski maci,
Kudy b ani zajechałi,
                                          vy budziecie adny.
Vy maładyja ŭsie,
                                      pakul baćki staryja
Žyvuć niaŭmolnym kłopatam,
                                                                        kab vam lahčej było.
A na hłuchoj strasie,
                                            jakuju viecier kryje,
Bacian zabytym klokatam
                                                        niasie ŭ hniazdo ciapło.
Baćki hladziać na śviet
                                                      špakoŭniami pustymi,
Adkul u vyraj vymknułi
                                                          viasiołyja špački.
A kryłaŭ lotki śled
                                                tryvohaj žalu stynie,
I vybiahajuć dymkija
                                            ściažynki naciańki,
Śpiašajciesia paśpieć
                                                  dušoju razhaviecca,
Pakul, spahady prosiačy,
                                                          na vystyłym halłi
Trymcić łistok ledź-ledź
                                                                biassońnicaj na viejcy,
Pakul zaviei ŭ rospačy
                                                    šlachoŭ nie zamiałi.
 
 
 
 
Padabajecca     Nie padabajecca Vodhuki
2009–2017. Biełaruś, Miensk.