РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Якуб Колас
Вершы
Кантэкстны тлумачальны слоўнік
Гусі
Зоры далёкія, зоры бліскучыя
      Ціха гараць над зямлёй.
Крыкі знаёмыя, тоны пявучыя
      Льюцца вячэрняй парой.
 
З поўначы-холаду, сіверу бурнага
      Гусі на поўдзень ляцяць,
Зь неба далёкага, стэпу лазурнага
      Смутна прашчаньне крычаць.
 
Дзікія гусанькі, птушачкі вольныя,
      Весьнікі скорай зімы!
Хочацца з вамі мне ў стэпы прасторныя,
      К сьвету і сонцу ад цьмы.
 
Толькі ж падрэзаны крыльлі свабодныя:
      Моцна пільнуюць мяне
Дзьверы акутыя, сьцены халодныя,
      Краты жалеза ў акне.
 
 
 
 
Падабаецца     Не падабаецца
2009–2022. Беларусь, Менск.