РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
Бусел
На падворку — вечар шэры.
Нехта стукае ў дзверы.
Баба Броня паглядзела:
Бачыць — бусел чорна-белы
Плача,
Дзюбу звесіў з гора —
Ўсe сябры яго за морам,
Небараку ж не ўзялі —
Не пусцілі мазалі.
Стогне бедны: —Кля-кля-кля!
Прападу я без жылля.
Адчыніла Броня дзверы,
Накарміла, абагрэла
Ды дала на ногі боты
I з сабою — бутэрброды.
I сказала: — ты ж глядзі,
Зімаваць да нас прыйдзі,
Будзе і табе, браток,
Ў хаце цёпленькі куток.
 
 
 
 
Падабаецца     Не падабаецца
2009–2020. Беларусь, Менск.